وفاقي حکومت د معرکه حق آپريشن بنيان مرصوص په شاندار کاميابۍ او د وطن په ډير ښه ډول دفاع باندې آرمي چيف جنرل سيد عاصم منير ته د فيلډ مارشل په څوکۍ د ترقۍ منظوري ورکړېده ،وفاقي کابينې ايئر چيف مارشل ظهير احمد بابر سدهو مدت ملازمت پورا کولو نه پس هغه ته خدمات جاري ساتلو متفقه منظوري هم ورکړېده ۔
د وزيراعظم شبازشريف مشرۍ کښې شوې د وفاقي کابينې اجلاس دوران وزيراعظم ټول قام ته معرکه حق آپريشن بنيان مرصوص په شاندار کاميابۍ او د دښمن عزائم خاورو کښې ميلاوؤلو باندې اومبارکي ورکړېده ۔
د وفاقي کابينې ګډون والو وينا وه چې څو ورځې وړاندې پاکستان باندې د تاريخ مشکل ترين وخت راغلې وو،شپږمې او اوومې مئي باندې د شپې بهارت په پاکستان بغير د څه اشتعاله ډزې حمله کړې وه او جنګ ئې مسلط کړې وو، بهارت دې دوران د پاکستان بے ګناه ماشومان،زنانه او نور عام وګړي په نښۀ کړې وو ۔
اجلاس دوران اووئيلي شو چې دښمن لخوا د پاکستان د خپلواکۍ او سرحدي سلامتيا د پښ لاندې کولو يو ناوړې هڅه شوې وه، ، داسې حال کښې آرمي چيف د مثالي جرات او بهادرۍ سره د پاک افواج قيادت کړې او د پاک افواج جنګي حکمت عملۍ او کوششونو لوجې دښمن ته غاښ ماتې جواب ميلاؤ شويدې ۔
د کابينې د ګډون والو وينا وه چې د جنرل عاصم منير بے مثاله قيادت لوجې پاکستان ته د دښمن خلاف معرکه حق آپريشن بنيان مرصوص کښې شانداره کاميابي هم ميلاؤ شويده ۔
وفاقي کابينې لخوا د معرکه حق آپريشن بنيان مرصوص د اعلیٰ حکمت عملۍ او دليرانه قیادتپه بنياد د ملک سلامتيا يقيني کولو او دښمن ته خُله ماتې جواب ورکولو باندې جنرل عاصم منير( نشان امتيار ملټري) ته د فيلډ مارشل په څوکۍ ترقي ورکولو منظوري ورکړې شويده ۔
اعلاميې مطابق وزيراعظم شهبازشريف دې لړ کښې صدر مملکت آصف علي زرداري سره خصوصې ملاقات هم کړې وو او هغه ئې اعتماد کښې اخستې وو ۔
بلخوا وفاقي کابينې په متفقه توګه ايئر چيف مارشل ظهير احمد بابر سدهو ته د ملازمت موده پورا کيدو نه پس ملک لپاره خدمات جاري ساتلو فيصلې منظوري هم ورکړې ده ۔
وفاقي کابينې دا فيصله هم کړې چې د افواجِ پاکستان افسران ،ځوانان، غازيان، شهيدان او مختلفو شعبو سره تعلق لرونکو پاکستاني وګړو ته به آپريشن بنيان مرصوص دوران د هغويه درانۀ خدماتو په اعتراف کښې اعلیٰ سرکاري ايوارډز ورکولې شي ۔
