د حضرت محمد ﷺ د ولادت جشن نن ټول ملک کښې په ډير عقيدت و احترام او ديني جوش و جذبې سره نمانځلې شوې ، د دواړو جهانو سردار ﷺ سره د مينې محبت اظهار لپاره د درود وسلام محفلونه منعقد شوي، بلخوا د عيد ميلادالنبي ﷺ په موقع د امنيت لپاره سخت ګامونو پورته کړې شويدي ۔
د عيد ميلادالنبي ﷺ په مو قع د سحر مونځ نه پس سرښار اسلام آباد کښې د يو ديرش او صوبائي دارالحکومتونو کښې د يويشتم يويشت توپو سلامي ورکړې شوې وه ۔
جوماتونو او کورونو کښې د سحر مونځ وروستو د ملک پرمختګ ، سوکالۍ او سلامتيا سره سره د امت مسلمه اتحاد لپاره خصوصي دعاګانې شويدي ۔
د دواړه جهانو سردار ولادت باسعادت جشن په سلسله کښې ټول ملک کښې جلوسونه ويستل شوي ، د نعت خوانۍ ، درود سلام او اسوۀ حسنه بيانولو لړ کښې د محفلونو انعقاد هم شوې وو او علماکرامو په سيرت النبي ﷺ تفصيلي رنړا اچولې دې ۔
د عيد ميلاد النبي ﷺ په موقع سرکاري او غير سرکاري ودانو چراغا شوې ، جوماتونو ، بازارونه ، کلي او کوڅو خائسته کړې شوې او د جهنډو بهار په نظر راغلي ۔
بلخوا د عيد ميلاد النبي ﷺ په سلسله کښې ټول ملک کښې د سيکيورټي سخت ګامونه پورته کړې شوي وو ، د جلوسونو لارو کښې اضافي نفري تعينات کړې شوي ، ټولې امنيتي ادارې د څه ممکنه بدې پيښې مخنيوي لپاره چمتو وو ۔
