پنډۍ: آرمي چيف جنرل عاصم منير وئيلي دي چې ترهه ګر ډلې د اسلام نه نابلده دي،دا قسمه عناصر د اسلام غلط تشريح کوي، زمونږ لپاره پاکستان د ټولو زيات اهم دے چې تر څو ټول قام او ځوانان پاک پوځ سره ولاړ وي ترهه ګر او فساديان به چرې هم خپل مقصد کښې کامياب نشي ۔
جي ايچ کيو کښې د ملک مختلفو يونيورسټيانو طالب علمانو ته وينا په وخت آرمي چيف وئيلي دي چې امن بحال ساتلو لپاره دا نه ګورو چې څوک پښتون دے،که پنجابې دے،که سندهې دے او که بلوچې بلکه د ملګرو په شان د ترهه ګرو خلاف جنګيږو ۔
آرمي چيف جنرل سيد عاصم منير وئيلي دي چې ځوانان د پاکستان د مستقبل مشران دي، طلبا دې ځان د ملک ترقې کښې مثبت کردار لوبولو قابل جوړ کړې، طلبا دې خپل تعليمي سرګرميانو کښې بهترين کارکردګې لپاره کوشش اوکي، آرمي چيف د ځوانانو جذبې او تخليقي صلاحيتونو ستائينه کړې ۔
هغه اوئيل چې طلبا دې خپل تعليمي سرګرميانو کښې بهترين کارکردګې لپاره کوشش اوي،داسې مهاراتونه دې ترلاسه کړې کوم چې هغه د ملک ترقې کښې مثبت کردار ادا کولو قابل جوړ وي، داسې هنر دې زده کړي کوم سره دوي د ملک ترقې کښې مثبت انداز کښې برخه اخېستې شي ۔
آئي ايس پي آر مطابق آرمي چيف د ځوانانو جذبې او تخليقي صلاحيتونو ستائينه کړېده او د ملکي خود مختاري او علاقائي سالميت تحفظ کښې ئي د پاک پوځ کردار هم په ګوته کړېدې،آرمي چيف د ترهه ګرې خلاف جنګ کښې د اولس قربانو ته خراج تحسين وړاندې کړېدې ۔
د آئي ايس پي آر وينا مطابق آرمي چيف ملک نه د ترهه ګرو خاتمه کښې د قام قربانۍ ستائلي او وئيلي دي چې د قام او په خصوصي توګه د ځوانانو پاک فوج سره ډيره مضبوطه رشته ده، د ملک دښمنه عناصرو لخوا د پاک فوج او اولس ترمينځ لارې جوړولو کوششونوه به هميشه ناکامه وي ۔
آرمي چيف اووئيل چې مونږ په خپل مذهب ،تهذيب او رواياتو باندې فخر کوؤ، د ترهه ګرو فرسوده سوچ به چرې هم په ملک مسلط کولو ته نۀ پريږدو، دا ترهه ګر آخر د کوم شريعت او دين خبرې کوي ؟
جنرل عاصم منير دا هم اووئيل چې د خېبرپښتونخوا او بلوچستان بهادر او درانۀ خلق د ترهه ګرو خلاف لکه د غر ولاړ دي ۔
