د سوات پيښې يو بل انکوائري رپورټ کښې د پوليس غفلت او ناقص انتظاماتو انکشاف مخې ته راغلې دې. رپورټ ترمخه پيښې په ورځ د دفعه يو سل څلور څلوېښت نفاذ باوجود پوليس سيلګري د سیند غاړي ته تلو څخه نۀ دي منع کړي ۔
د سوات پيښي يو بل انکوائري رپورټ مخې ته راغلې چې پکښې د پوليس اهلکارو لوئې غفلت مخې ته راغلې دې ،پيښې په ورځ د پوليسو ګاډي د هوټل سره نيزدې موجود وو، او دفعه يو سل څلور څلوېښت لګيدو باوجود هم پوليس لخوا سيلګري د سيند خوا ته د تګ څخه نۀ دي منع کړي ۔
رپوټ کښې وئيل شوي چې دفعه يو سل څلور څلوېښت خلاف ورزۍ په لړ کښې ټول يو سل څلور ایف آئي آر درج شوي، چې پکښې يواځې څوارلس د پوليس لخوا درج شوي، او پاتې دوه نوي د اسسټنټ کمشنر طرف نه درج شويدي ۔
انکوائری رپورټ مطابق چې پوليس د هوټلونو مالکان ته د احتیاطي تدابیرو هیڅ رسمي هدایات نه دي جاري کړي. سره له دې چې سوات کښې شاؤخوا اووه زره پولیس اهلکار موجود وو، بيا هم د پېښې نه مخکښې او نۀ وروستو کوم موثر اقدامات نه دي شوي
رپورټ کښې سفارش شوې چې د سوات پوليس پر ضد دې د شپيتو ورځو دننه تحقيقات اوکړې شي او متعلقه افسرانو پهخلاف دې کاروائی عمل کښې راوستې شي ۔
انکوائري رپورټ مطابق د ديرش ورځو دننه دې د سيند پر غاړه ودانۍ او سيفټی لپاره نوې قانوني فريم ورک هم عملي کړې شي ۔
