پيښور کښې خبری غونډی ته د وينا په وخت ايس ايس پي آپريشنز مسعود احمد اووئيل چې د پيښور هشنګري سيمه کښې د بينک آف پنجاب د کيش رقم د ګاډي په ډکيتی کښې ککړ ملزمان په يو څو ګهنټو کښې دننه ګرفتار کړی شويدي ۔
ايس ايس پي آپريشنز اووئيل چې ګرفتار ملزمانو کښې د ګاډی ډرائیور ککړ وو ، څوک چې د خپلو نورو ملګرو سره په شريکه تقريباً د يوی مياشتی راهسی د بينک آف پنجاب کيش رقم ګاډي لوټ کولو منصوبه جوړه کړی وه ۔
هغه اووئيل چې تيره ورځ ملزمانو په کوڅه کښې ولاړ د بينک آف پنجاب ګاډي څخه د وسلې په زور د درې کروړو روپو نه زيات رقم واخستو او په تيښته کښې بريالی شوي وو ۔
مسعود احمد زياته کړه چې تفتيشي افسرانو د پيښې ځائې سی سی ټي وي فوټيج حاصل کړل ،او د ګاډي ډرائيور او کيشئر څخه ئې تحقيقات شروع کړل ،د کوم په نتيجه کښې چې ډرائيور فضل وهاب ککړ ثابت شو ۔
ايس ايس پي آپريشنز اووئيل چې دې پيښه کښې نور ککړ ملزمان عمر خان،فريد خان،فهيم څوک چې د تهکال اوسيدونکي دي ۔
هغه دا هم وئيلي چې د ګرفتار ملزمانو قبضې څخه دری کروړه، نهه څلويښت لکهه، دری ديرش زره روپۍ برآمد کړې شوي ،او په ډکيتئ کښې استعمال شوی ګاډې ،موټر سائيکلې، وسله هم برآمد کړی شويدي ۔
ايس ايس پي آپريشنز مسعود احمد اووئيل چې ټولو ملزمانو د خپل جرم اعتراف کړې او د هغوی څخه نور تفتيش جاري دي ۔
