سرښار اسلام آباد کښې د سيکټر جي اليون جوډېشل کمپليکس نه بهر خودکش حمله شوې، پوليس وئيلي چې حمله کښې دولس کسان شهيدان او اووۀ ويشت نور سخت ژوبل شويدي،پولیس ترمخه د پيښې ځائې نه د خودکش حمله آور سر هم ميلاؤ شويدې، ژوبل شوي کسانو کښې وکيلان او پوليس اهلکاران هم شامل دي ۔
اسلام آباد: پوليس چارواکو وئيلي دي چې اسلام آباد کښې د جي اليون سيکټر جوډيشل کمپليکس نه بهر خودکش حمله شوې ده ۔
د پوليس چارواکو بيان کښې وئيلي شوي چې پيښه کښې دولس کسان پحق رسيدلي او شل نور سخت ژوبل شويدي، د حملې د ځائې نه د خودکش حمله آور سر هم ميلاؤ شوېدې ۔
ژوبل کسانو کښې وکيلان او پوليس اهلکاران هم شامل دي ، ژوبل کسانو کښې د بعضو حالت مرګونې ښودلې شوي، خودکش حملې وروستو پمز او نور هسپتالونو کښې ايمرجنسي نافذ کړې شوې او د خودکش حملې ځائې هم سيل کړې شويدې ۔
د داخله چارو وفاقي وزير محسن نقوي د پيښې د ځائې دوره کړې او خبريالانو سره ئې خبرې هم کړېدي ۔
داخله وزير محسن نقوي وئيلي چې چاودنه کښې دولس کسان شهيد او اووۀ ويشت نور ژوبل شويدي، شهيدانو او ژوبل کسانو کښې وکيلان او سائيلين هم شامل دي ۔
داخله وزير مطابق خود کش بمبار د سيکيورټۍ لوجې کچهرې ته نۀ وو داخل شوې، او بيا پارکنګ کښې ډير وخت پورې ولاړ وو،دې دوران حمله آور د پوليس ګاډي باندې ځان الوزولې ،د فول پروف سيکيورټۍ لوجې حمله آور کچهرو ته نۀ وو ننوتې ۔
بلخوا د اسلام آباد جوډيشل کمپليکس باندې د حملې ابتدائي رپورټ مخې ته راغلې، تحقيقاتي ادارو خپل رپورټ کښې وئيلي چې خودکش حمله آور باجوړ کښې اوسيدو
رپورټ مطابق د جمعې په ورځ اسلام آباد ته راغلې وو،او بيا د پير ودهائي نه په موټرسائيکل جوډيشل کمپليکس ته راغلې وو ۔
د اسلام آباد پوليس انسپکټر جنرل وئيلي چې خودکش حمله کښې اتۀ کلو ګرام بارودي مواد استعمال شوي، رپورټ ترمخه حمله آور يواځې وو ۔
وزيراعظم شهبازشريف د اسلام آباد خودکش حملې غندنه کړې او د پلټنو حکم ئې کړېدې، خپل بيان کښې وزيراعظم وئيلي چې د ټول قام همدردۍ د پيښې شهيدانو اهل خانه سره دي ۔
وزيراعظم هدايت کړې چې ژوبل کسانو ته دې بهترين طبي سهوليات ورکړې شي ، او وئيلي دي چې حمله کښې ککړ ترهه ګر او د هغوي سهولت کار به خپل انجام ته رسولې شي ۔
صدر مملکت آصف علي زرداري ،د صوبو ګورنرانو او وزرائے اعلیٰ اسلام آباد جوډيشل کمپلکس چاودنې مذمت کړې او قيمتي ځانونو په نقصان ئې د افسوس اظهار کړېدې ۔
خپل بيانونو کښې صدر او نورو چارواکو وئيلي دي چې دا قسمه بزدلانه حملۍ د ترهه ګرۍ خاتمې لپاره حکومتي عزم نشي کمزورې کولې ۔
