پيښور کښې چائنه ونډو کښې يوه دستوره شوې چې پکښې قامي خدمات ترسره کونکي اهم شخصياتو جمشيد علي خان، ضيا الحق سرحدي او نورو ته خراج تحسين وړاندې شويدې، د دستورې مشر ميلمه د محکمه زراعت سيکريټري ډاکټر بختيار خان وئيلي چې سول ايوارډز قامي سطح باندې مسلسل محنت، پييشه ورانه مهارت او وطن سره د مينې شناخت دې ۔
پېښور: چائنه ونډو پيښور کښې شوې دغه دستورې مشر ميلمه سيکريټري محکمه زراعت ډاکټر بختيار خان وئيلي چې جمشيد علي خان او ضيا الحق سرحدي د ځوان کول رول ماډل دي ۔
صدارتي ايوارډ يافته او د خېبر نيټ ورک پيښور څانګې جنرل منيجر جمشيد علي خان اووئيل چې هغوي ريډيو، سټيج او ټيلي وژن باندې د فنونِ لطيفه څو کالو پورې خدمت کړيدې ۔
هغه اووئيل چې حکومتي سطح باندې زما خدمات تسليمول د وياړ او لوئې عزت خبره ده، راتلونکي کښې به هم خپل قامي خدمات جاري ساتم ۔
دستورې ته ايډووکيټ محمد حبيب قريشي، پخواني ايم پي اے ډاکټر ذاکر شاه، سوشل ايکټيوسټ خواجه اکبر سيټهي، کالم نګار وسيم شاهد، او سينير خبريال امجد عزيز ملک هم وينا کړې ۔
دستورې آخره کښې مشر ميلمه ډاکټر بختيار خان جمشيد علي خان او ضيا الحق سرحدي ته ګلدستې ، کلتوري پکول او څادرې هم پيش کړېدي ۔
