د اطلاعاتو وفاقي وزير عطا الله تارړ وئيلي دي چې خېبرپښتونخوا کښې د ترهه ګرو سهولت کارۍ لپاره سهيل آفريدي ته د وزارت اعلیٰ ذمه وارۍ ورکولې کيږي،د پاکستان پاليسۍ به اسلام آباد کښې جوړېږي، په کابل کښې نۀ، په جيل کښې ناست کس د ترهه ګرو اعلیٰ سهولت کار دې ، د پي ټي آئي په دور کښې ترهه ګر ملک ته واپس راوستې شوي، د ن ليګ مشر اختيار ولي سره شريکې خبري غونډې ته ويناکښې عطا تارړ اووئيل چې پي ټي آئي د موروثي سياست مخالفت کوي ،ولې علي امين ګنډاپور د دوؤ زنانؤ بشري بي بي او عليمه خان د سياست ښکار شويدې ۔
اسلام آباد: د مسلم ليګ ن خېبرپښتونخوا رهنما اختيار ولي سره شريکې خبري غونډي ته اطلاعاتو وزير عطا الله تارړ اووئيل چې لندن کښې د عدالت فيصله د پي ټي آئي شکست دې، ملک کښې عدم استحکام پيدا کونکي عناصر به برداشت نکړو، پي ټي آئي د ترهه ګرو سهولت کاران دي ۔
هغه اووئيل چې جيل کښې ناست کس د ترهه ګرو چيف سپانسر دې او وسله والو ته ترې سهولت کاري ميلاويږي، خېبرپښتونخوا کښې د ترهه ګرو سهولت کارۍ لپاره سهيل آفريدي ته د وزارت اعلیٰ ذمه وارۍ ورکولې کيږي، د پاکستان پاليسي به اسلام آباد کښې جوړېږي په کابل کښې به نۀ جوړيږي ۔
عطا تارړ اووئيل چې د پي ټي آئي په دور کښې ترهه ګر ملک ته واپس راوستې شويدي، رياستي ادارو خلاف بيانيه ناکامه شويده ۔
د وفاقي وزير وينا وه چې لندن کښې د عدالت فيصله داسې عناصرو په مخ څاپيړه ده، پي ټي آئي د موروثي سياست مخالفت کوي، ولې علي امين ګنډاپور د دوؤ زنانؤ بشري بي او عليمه خان د سياست ښکار شويدې ۔
