سکيورټې فورسز په شمالي وزيرستان کښې پاک افغان سرحد باندې دترهه ګرو دراندازۍ کوشش ناکامه کړې او څلور پنځوس ترهه ګر وژلي هم دي ۔
آئي ايس پي آر مطابق فورسز د ترهه ګرو د شمالي وزيرستان حسن خيل علاقه کښې دراندازۍ کوشش ناکامه کړيدې، وژلي ترهه ګرو ولقې نه وسله ، ګوله بارود او دهماکه خيز مواد هم برآمد شويدي ۔
آئي ايس پي آر وينا وه چې پنځويشتم او شپږويشتم او اووه ويشتم اپريل باندې د شپې شمالي وزيرستان کښې په حسن خيل علاقه کښې پاک افغان بارډر د لارې په لوئې شميره کښې د ترهه ګرو نقل وحرکت په تناظر کښې سکيورټي فورسز په وخت کاروائي کړېده ۔
آئي ايس پي آر زياته کړې چې انټيلي جنس رپورټس مطابق دا ترهه ګر د غيرملکي طاقتونو په اشارو پاکستان کښې ترهه ګرۍ کاروائۍ لپاره دراندازۍ کوشش کولو، کوم چې پاک فوج ناکامه کړې او ټول ترهه ګر ئې وژلي دي ۔
د داخله وزير محسن نقوي هنګامي خبري غونډه:۔
بلخوا لاهور کښې خبرې غونډې ته وينا په وخت وفاقي داخله وزير محسن نقوي هم د دې خبرې تصديق کړې چې سکيورټې فورسز کارروائۍ دوران څلور پنځوس ترهه ګر وژلي دي ، سيکورټي فورسز ترهه ګر د درې اړخونو څخه راګير کړي وو ۔
وزيرداخله محسن نقوي په کاميابه کاروائۍ سيکيورټي فورسز ته خراج تحسين پيش کړے، وئيلي دي چې نن د سيکيورټي فورسز لپاره لوئې ورځ ده ۔
داخله وزير اووئيل چې څوک هم د پاکستان خلاف سازش کوي، هغوي ته به موثره جواب ورکولے شي ،د بهارت لپاره هم دا يو اشاره ده، چې د هر سازش به ئې ناکامه کولے شي ۔
د وزيراعظم شهبازشريف بيان:۔
شمالي وزيرستان کښې کاميابې کاروائۍ باندې وزيراعظم شهبازشريف هم سيکيورټي فورسز ته خراج تحسين وړاندې کړې او وئيلي دي چې سيکيورټي فورسز په وخت کاروائي کړې او څلور ديرش ترهه ګر ئې پاکستان کښې داخليدو نه منع کړيدي ۔
وزيراعظم اووئيل چې ترهه ګرۍ خلاف جنګ کښې ټول قام سيکورټي فورسز سره کلک ولاړ دې ،سيکيورټي فورسز د ملک د پولو دفاع لپاه هر وخت چمتو دې ۔
وزيراعظم دا هم اووئيل چې شمالي وزيرستان کښې د ترهه ګرو خلاف دغه کاميابه کاروائي په ډاګه کو چې پاکستان ترهه ګرو خلاف جنګ کښې کاميابي ترلاسه کوي او ترهه ګرۍ خلاف جنګ ګټي ۔
