د پهلګام پيښې په اړه د بهارتي حکومت يو بله ډرامه هم بے نقابه شويده ، امريکائي ميډيا وئيلي چې بهارت دغي پيښې په اړه غير ملکي سفيرانو په وړاندې هيڅ شواهد نۀ دي پيش کړې، پهلګام پيښې په ترڅ کښې بهارتي حکومت د پاکستان خلاف کاروائۍ لپاره ماحول جوړوي ۔
د امريکې نامتو ورځ پانړې نيو يارک ټائمز خپل يو رپورټ کښې وئيلي چې بهارتي حکومت سل نه زيات غير ملکي سفيرانو ته پهلګام پيښې په اړۀ بريفنګ ورکړيدې ۔
رپورټ مطابق بهرملکي سفيرانو ته د پهلګام پيښېپه حواله بريفنګ دوران بهارت د پيښې په حواله هيڅ شواهد نۀ دي وړاندې کړې ۔
رپورټ کښې دا هم وئيلي شوي چې د بهارت کورنۍ شخړو نه د نړۍ توجه لرې کولو لپاره بهارت پاکستان ته د جنګ دهړکې ورکړي، او دې لړ کښې نريندرا مودي د پاکستان خلاف اقداماتو او مرستو لپاره يو شمير غير ملکي سربراهانو سره رابطې هم کړېدي ۔
د نيويارک ټائمز په رپورټ مطابق دغه بريفنګ کښې شامل څلور غيرملکي سفيرانو وئيلي دي چې په ظاهره بهارت خپل ګاونډي ملک او روايتي حريف خلاف فوجي کاروائۍ لپاره کيس تياروي ۔
دوي اووئيل چې بهارتي حکومت پهلګام پيښې په اړۀ هيڅ قسمه ثبوتونه نۀ لري او نۀ دې پيښه کښې د پاکستان څه قسمه کردار په نظر راځي ۔
