بنګله ديش دوئم ټي ټوينټي ميچ کښې پاکستاني ټيم ته په اتۀ رنز شکست ورکړې او د درې ميچونو سيريز کښې ئې دوه صفر سره فيصله کن برتري ترلاسه کړيده،د کوربه ټيم يو سل څلور دیرش رنز هدف جواب کښې قامي ټيم په يو سل پنځه ويشت رنز آؤټ شويدې، پاکستان طرف نه ټولو نه زيات رنز فهيم اشرف يو پنځوس رنز جوړ کړي ۔
د بنګله ديش شير بنګله سټيډيم کښې لوبيدلې دوئم ټي ټوينټي ميچ کښې پاکستان ټاس ګټلې وو او د فيلډنګ فيصله ئې کړې وه ۔
بنګله ديش ټيم مقرره اوورونو کښې يو سل دري ديرش باندې آؤټ شوې وو، پاکستان طرف نه سلمان مرزا، احمد دانيال عباس آفريدي دوه ، دوه او محمد نواز يو وکټ په خپل نوم کړې وه ۔
بنګله ديش لخوا ذاکر علي ټولو نه زيات پنځه پنځوس او مهدي حسن دري ديرش رنز جوړ کړي وو ۔
د مقرره هدف په تعاقب کښې د قامي ټيم بيټنګ يو ځل بيا ناکامه شوې او ټول ټيم آخري اوور کښې په يو سل پنځه ويشت رنز آؤټ شويدې ۔
پاکستان طرف نه ټولو نه زيات فهيم اشرف يو پنځوس او عباس آفريدي نورلس رنز جوړ کړي وو، بنګله ديش لخوا شريف الاسلام درې، مهدي حسن او تنظيم حسن دوه، دوه وکټې اخستي دي ۔
دوئم ميچ ګټلو سره کوربه ټيم د درې ميوچونو سيريز کښې دوه صفر سره برتري ترلاسه کړېده، د سيريز آخري ميچ به څليريشتمې جولائۍ باندې شير بنګله سټيډيم کښې لوبيږي ۔
