د خېبر نيټ ورک اينکر شبانه لياقت( المعروف سپنا خان) او فيملي ايصال ثواب لپاره د خېبر نيټ ورک اسلام آباد سنټر کښې قرآن خواني او فاتحه خواني شوي، چې پکښې د خېبر نيټ ورک سي اي او کامران حامد راجه،سي او او جواد حامد راجه، ايګزيګيټو ډائريکټر کيوان حامد راجه پشمول ټول مشرانو او کارمندانو ګڼ شمير کښې شرکت کړے ، په دې موقع خېبر فيملي د شبانه لياقت کورنۍ سره غمرازي هم کړيده ۔
اسلام آباد: د خېبر نيټ ورک اينکر شبانه لياقت المعروف سپنا خان چې سره د خاوند او درې بچو ګلګت بلتستان بابوسر سيلابي ريله کښې پحق رسيدلي وو، د هغوي ايصال ثواب لپاره خېبر نيټ ورک اسلام آباد دفتر کښې فاتحه خواني شويده ۔
فاتحه خوانۍ کښې د خېبر نيټ ورک چيف ايګزيګټيو آفسير کامران حامد راجه، چيف آپريټنک آفيسر جواد حامد راجه، ايګزيګيټو ډائريکټر کيوان حامد راجه پشمول ټول مشرانو او کارمندانو ګڼ شمير کښې ګډون کړې دې ۔
په دې موقع د خېبرنيټ ورک مختلف څانګو کښې کار کونکي زنانؤ هم قرآن خوانۍ کښې برخه اخستې او اجتماعي دعا ئې هم کړيده ۔
د سپنا خان په حادثاتي مرګ د خېبر نيټ ورک ټول کارمندان غمژن دي او د هغوي کورنۍ سره ئې غمرازي هم کړې ده،
سپنا خان چې د ډيرې مودي راهسې د خېبر فيملي برخه وه، د خپل خوش اخلاقۍ، نرم مزاجۍ او محنت په وجه به تل زمونږ زړونو کښې ژوندۍ وي ۔
