د واشنګټن پشمول د امريکې يو شمير ښارونو کښې دصدر ډونلډ ټرمپ د پاليسو خلاف احتجاجي مظاهرې روانې دي ،دا مظاهرې د تارکين وطن د امريکې نه ممکنه انخلا،غير جمهوري او غير قانوني اقداماتو خلاف کيږي ، مظاهرو کښې په زرګونو کسانو شرکت کړې دې ۔
واشنګټن ډي سي کښې په لوئې شمير کښې مظاهرچيان راجمع شوي وو، او دنيويارک ، فلوريډا پشمول مختلف مقاماتو باندې ئې مظاهرينو خپل احتجاج ريکارډ کړيدې ۔
دامريکې ميډيا مطابق د واشنګټن پشمول يو شمير امريکائي رياستونو کښې د صدر ټرمپ خلاف د مظاهرو کال
ته ففټي ففټي ون نومې تحريک نوم ورکړي ، دففټي ففټي ون مطلب د امريکې پنځوس رياستونو کښې پنځوس پنځوس مظاهرې مکمل کول دي ۔
رپورټ ترمخه د مظاهرو منتظمين وائي چې مونږ د ټرمپ انتطاميې دغير جمهوري او غير قانوني اقداماتو خلاف د احتجاجي مظاهرو کال ورکړيې دې ۔
نيويارک کښې خلق د ښار مرکزي لائيبريرۍ نه بهر راجمع شوي وو، دوي په لاسونو کښې بينرز اوچت کړي وو ، چې پرې ‘امريکه کښې څوک بادشاه نيشته او د ظلم خلاف مزاحمت ” نعرې درج وې ۔
