چيف جسټس پاکستان يحيیٰ آفريدي وئيلي دي چې قامي معيشت باندې اثر انداز کيدونکې ټيکس مقدماتو فوري فيصلې کولو ته به ترجيح ورکولې شي، ټيکسونو په حواله اوږدمهاله مقدمې مالي ګنجائش محدود کوي او ملک کښې د سرمايه کارانو اعتماد هم متاثره کوي ۔
اسلام آباد: سپريم کورټ کښې د چيف جسټس پاکستان يحيیٰ آفريدي مشرۍ کښې د ټيکس اهم مقدماتو فيصلو په اړه حکمت عملۍ لپاره اهم اجلاس شوې، او د دې اجلاس اعلاميه هم جاري شويده ۔
سپريم کورټ طرف نه جاري شوې اعلاميې مطابق اجلاس کښې جسټس ميا ګل حسن اورنګزيب، چيئرمين ايف بي آر، او نور متعلقه چارواکو ګډون کړېدې ۔
اعلاميې ترمخه غونډۀ کښې ډير وخت راهسې زيرِ التوا د لوئې ماليت ټيکس مقدماتو په معامله تفصيلي غور شوي دې ۔
اعلاميه کښې وئيلي شوي چې غونډې د زيات ماليت ټيکس کيسز په ترجيحي بنيادونوفيصلې کولو باندې اتفاق شويدې ۔
غونډه کښې د عدليې او ټيکس چارواکو ترمينځ رابطې جاري ساتلو او هم آهنګۍ باندې هم اتفاق شويدې ۔
