وزيراعظم شهبازشريف د پټروليم مصنوعاتو په نرخ کښې د کمي اعلان کړېدې، قام ته مختصر خطاب کښې وزيراعظم د ډيزل نرخ کښې لټر په سر يو سل، پنځه ديرش روپۍ اود پټرول قيمت کښې في لټر دولس روپۍ کمي اعلان کړيدې، قيمتونو کښې کمي نه پس د ډيزل نوې نرخ درې سوه ،پنځه اتيا روپۍ مقرر شوې، دغه شان د پټرول نوې نرخ في لټر درې سوه شپږ شپيتۀ روپۍ مقرر شويدې ۔
اسلام آباد: د وزيراعظم شهبازشريف قام ته خطاب نه پس د تيلو د نوې قيمت اطلاق بيګا د شپې نه شوې دې، وزيراعظم اووئيل چې وعده مې کړې وه چې نړيواله منډۍ کښې د تيلو قيمتونه کم شي نو پاکستان کښې به د دې نرخ کښې کمې کولې شي ۔
وزيراعظم اووئيل چې الله پاک فضل دې نن خليج کښې جنګ نيشته او د امن خبرې کيږي، نن فريقين خبرو لپاره رضامند شوي، انتهائي اهم پيشرفت باندې د امريکې او د ايران د مشرانو شکريه ادا کوم ۔
وزيراعظم اووئيل چې دواړو ملکونو زما تجويز قبول کړې وو او عارضي جنګ بندۍ باندې نه صرف متفق شوي بلکه زما پرخلوص بلنه باندې د دواړو ملکونو قيادت اسلام آباد ته راځي، پاکستان ته الله جل شانه د کوربه توب اهمه ذمه واري په غاړه کړېده ، کومه چې د ډيرې خوشحالۍ خبره ده ۔
د دواړو ملکونو قيادت اسلام آباد ته راځي، دوي ته د اسلام آباد راتلو دعوت باندې د نائب وزيراعظم اسحاق ډار او فيلډ مارشل عاصم منير او د دوي ټيم ته خراج تحسين وړاندې کوم ۔
د وزيراعظم وينا وه چې د فيلډ مارشل سيد عاصم منير د خليج جنګ اودرولو او د اوور لمبې ختمولو کښې تاريخم ساز کردار ادا کړې، دا صرف پاکستان لپاره نا بلکه ټول اسلامي ملکونو لپاره د فخر وړ خبره ده، په دې نازکه موقع باندې د پاکستان قيادت ډېر محتاط انداز کښې د اعتماد مظاهره کړېده
بلخوا د توانائۍ وزارت د پټرول او ډيزل قيمت کښې د کمي نوټي فکيشن جاري کړې، چې ترمخه ئې د ډيزل نرخ کښې في لټر يوسل، څلور ديرش روپۍ او يو اتيا پيسې کمې شوې، او د پټرول قيمت کښې يوولس روپۍ درې اتيا پيسې لټر په سر کمې کړې شويدې ۔
