امريکائي صدر ډونلډ ټرمپ سره د وزيراعظم شهباز شريف او فيلډ مارشل عاصم منير ملاقات کړې، په دې موقع وزيراعظم د امريکې صدر د امن داعي ګرځولې او وئيلي دي چې د ټرمپ په مشرۍ کښې به د پاکستان او امريکې اړېکې نورې هم مضبوطيږي ۔
امريکائي صدر ډونلډ ټرمپ سره د وزيراعظم شهباز شريف او فيلډ مارشل عاصم منير ملاقات اعلاميه جاري شويده ،دوه اړخيزه اړيکو پراختيا، ترهه ګرۍ خلاف جنګ او د سيمې سيکيورټۍ په معاملو خبرې شويدي ۔
وزيراعظم د پاکستان او بهارت جنګ بندۍ کښې د ټرمپ د سهولت کارۍ ستائنه کړيده،ملاقات دوران دواړو ملکونو ترمينځ سيکيورټي او انټيليجنس تعاؤن سيوا کولو باندې زور راوړې شوېدې ۔
وزير اعظم هاوس اعلاميه کښې د شخړو ختمون لپاره په مخلصانه کوششونو ټرمپ د امن داعي ګرځولې شوې ، وزير اعظم د پاکستان او بهارت ترمينځ جنګ کښې د صدر ټرمپ فيصله کن قيادت ستائنه کړې ، د کوم لوجې چې جنوبي ايشيا د لوئې حادثې نه بچ شوه ۔
وزير اعظم د مشرقِ وسطیٰ په صورتحال کښې د ټرمپ جنګ بندۍ لپاره هلې ځلې ستائيلي ، وزير اعظم وائي چې امريکائي صدر ډونلډ ټرمپ په دې معامله نيويارک کښې د مسلم دنيا مهم مشران راغونډ کړي وو چې غزه او مغربي کناره کښې د امن په بحالۍ خبرې اوشي ۔
د اعلامئې ترمخه ملاقات دوران دواړو مشرانو په علاقائي سيکيورټي او ترهه ګرۍ مخنيوي په اړه يوبل سره مرستو باندې خبري کړي ، په سيکيورټي او انټيليجنس چارو کښې د يوبل سره د همکارۍ په زياتولو هم زور راوړې شوې دې ۔
وزير اعظم د امريکي او پاکستان ترمينځ روان کال د ټيرف په معاهده هم د امريکائي صدر شکريه ادا کړې ، او طمع ئې څر ګند کړې چې صدر ټرمپ په قيادت کښې پاک امريکه تعلقات نور هم مستحکم شي ۔
وزير اعظم شهبازشريف د امريکې کمپنو ته پاکستان کښې زراعت ، آئي ټي ، معدنيات او توانائۍ شعبو کښې د سرمايه کارۍ دعوت هم ورکړې دې ۔
اعلاميه کښې دا هم وئيلي شوي چې وزيراعظم د امريکې صدر ډونلډ ټرمپ ته د پاکستان دورې کولو بلنه هم ورکړې ده ۔
