وزيراعظم شهبازشريف د مصر ښار شرم الشيخ کښې سربراهى غونډې په موقع د امريکې صدر ډونلډ ټرمپ پشمول د نړۍ يو شمير مشرانو سره ملاقاتونه کړى،مشرانو غزه کښې په جنګ بندې د اطمينان اظهار کړې ۔
وزيراعظم شهبازشريف د مصر ښار شرم الشيخ کښې سربراهى غونډې دوران د امريکې صدر ډونلډ ټرمپ سره ملاقات کړې ، دې دوران دواړو مشرانو ګرمجوشۍ سره يول بل سره مصافحه کړې او د غزه صورتحال پشمول نورو مهمو چارو بادنې ئې د خيالاتو بدلون هم کړېدې ۔
وزيراعظم دفلسطيني صدر محمود عباس سره ملاقات کړې ، دواړو مشرانو د غزه په جنګ بندۍ د اطمينان اظهار کړې ،محمودعباس وئيلي چې په هره موقع د فلسطينيانو سره اودريدو باندې د پاکستان شکريه ادا کوو ۔
د وزيراعظم دفتر نه جاري شوې اعلاميې کښې وئيلي شوي چې فلسطينى صدر سره ملاقات په وخت د بحرين فرمانروا شاه محمد بن عيسىٰ الخليفه هم موجود وو ۔
دواړو مشرانو شرم الشيخ کښې د جنګ بندې په معاهدې لاسليک نه وړاندې ګرم جوشۍ سره ملاقات کړې او وئيلى دي چې فلسطين او پاکستان ترمينځه د ورورولۍ تعلقات مثالي دي او د دواړو ملکونو اولس په دې فخر کوي ۔
وزيراعظم شهبازشريف د غزه اولس ته په تير وختونو کښې همت او بهادرۍ سره تکليفونه برداشت کولو باندې خراج تحسين وړاندې کړې ۔
د وزيراعظم هاوس اعلاميې ترمخه وزيراعظم د آذربائيجان صدر الهام عليوف سره هم ملاقات کړې ،دواړو مشرانو د غزه په جنګ بندۍ د اطمينان اظهار کړې او په دې موقع د ارمينيا وزيراعظم هم موجود وو ۔
اعلاميه کښې وئيلى شوي چې وزيراعظم د اردن فرمانروا شاه عبدالله دوئم ، د بحرين شاه حمد بن عيسىٰ الخليفه او د اقوام متحده سيکرټرى جنرل انتونيوګوتريس سره هم ملاقاتونه کړيدي ۔
وزيراعظم د انډونيشيا صدر،جرمن چانسلر، د سپين او اټلى وزرائے اعظم ،د سعودى عرب وزير خارجه شهزاده فيصل بن فرحان السعود سره هم ليدۀ کاتۀ کړي ۔
اعلاميه کښې دا هم وئيلي شوي چې ملاقاتونو دوران د خطې امن لپاره په اقداماتو هم خبرې شوي او وزيراعظم شهبازشريف ملاقاتونو په وخت فلسطينى اولس سره د پاکستان لطرفه يکجهتى ،د هغي سفارتي او اخلاقى مدد جاري ساتلو عزم اظهار کړېدې ۔
