وزيراعظم شهبازشريف د ګلګت بلتستان انفراسټرکچر بحالۍ لپاره څلور اربه روپو فنډز اعلان کړې، وزيراعظم وائي چې ګلګت بلتستان کښې به دانش سکول هم قائمولې شي ۔
ګلګت کښې د سيلاب ځپلو کښې چيک تقسيمولو دستورې ته خطاب کښې وزيراعظم اووئيل چې د کابيني اراکينو سره ګلګت بلتستان کښې متاثره شوې کسانو سره اظهار همدردې لپاره راغلې يم، بارانونو او سيلاب لوجې يو شمېر کسان پحق رسيدلي او ژوبل شويدي، او په لوئې پيمانه املاک ته هم نقصان رسېدلې دې ۔
وزيراعظم شهبازشريف سيلابونو نه متاثره ګلګت بلتستان لپاره د څلور ارب روپو فوري امداد اعلان کړېدې،وزيراعظم ګلګت کښې سيلابونو دوران پحق رسيدلي کسانو لواحقينو کښې د لس لکه او ژوبل کسانوکښې د پنځه لکه روپو چيکونه تقسيم کړېدي ۔
دستورې ته وينا کښې وزيراعظم وئيلي چې تر څو سيلابونه دوران تباه شوي خلقوکورونه دوباره نۀ وي جوړ شوي ترهغې به د ګلګت دورې جاري ساتم، وفاقي حکومتي به سيلاب متاثرين چرې هم يواځې پرينږدي ۔
وزيراعظم دا هم اوئيل چې آفات مخنيوې لپاره ايډوانس وارننګ سسټم موجود پکار دې، اوو کاله اوشو خو په دغه منصوبې کار نه دې شوې، اوس چې کوم ډيډلائن ورکړې شوې هغه کښې به يو ګهنټه هم اضافه نه کيږي ۔
وزيراعظم زياته کړه چې ګلګت کښې به سل ميګا واټ سولر سسټم منصوبه روان کال مکمل شي، وفاقي حکومت به ګلګت کښې دانش سکول قائمه وي، په دې اربونو روپې لګښت راځي خو دغه اخراجات نه بلکه په خپلو طلبه سرمايه کاري ده ۔
