وزيراعظم شهبازشريف سره وزيرداخله محسن نقوي ملاقات کړې،چې پکښې ايران او امريکې مذاکراتوکښې د پاکستان کوششونو ، د ملک سکيورټې صورتحال او نورو اهمو چارو باندې خبرې شويدي،وزيراعظم د امريکې او ايران مذاکراتو په اړه وزيرداخله ته خصوصي هدايات جاري کړي ۔
اسلام آباد: وزيراعظم هاؤس کښې داخله وزير محسن نقوي وزيراعظم شهبازشريف سره مهم ليدۀ کاتۀ کړي دي ۔
په دې موقع دواړو مشرانو ترمينځ د ملک مجموعي امنيتي صورتحال، ايران امريکې ترمينځ تاؤ تريخوالې ختمولو لپاره د پاکستان سفارتي کوششونو او نطقې صورتحال باندې خبرې شويدي ۔
ملاقات پر مهال داخله وزير محسن نقوي بشکيک اجلاس په حواله وزيراعظم ته بريفنګ هم ورکړېدې ۔
داخله وزير سره خبرو دوران وزيراعظم وئيلي دي چې د خلقو جان و مال تحفظ لپاره اقدامات دې يقيني کړې شي ۔
وزيراعظم دا هم وئيلي چې ملک کښې د قانون بالادستي او ترهه ګرۍ مکمل خاتمه د حکومت اولني ترجيحاتو کښې شامل دي ۔
