وزيراعظم شهبازشريف د بلوچستان مشرانو ته د صوبې خرابي په نښه کولو او حکومت سره د مذاکرات کولو دعوت ورکړې، وزيراعظم وئيلي چې د راتلونکي مالي کال زر ارب روپو ترقياتي بجټ کښې به د بلوچستان برخه دوه سوه پنځوس ارب روپې وي، کوشش کول پکار دي چې دغه فنډ شفافيت سره خرچ کړې شي ۔
د بلوچستان په مسئله کوئټه کښې لويه جرګه شوې چې پکښې وزيراعظم شهبازشريف، فيلډ مارشل عاصم منير ، وفاقي او صوبائي مشرانو ګنړ شمير کښې ګډون کړېدې ۔
جرګې ته خپل خطاب کښې وزيراعظم شهبازشريف وئيلي چې د بلوچستان عمائدين دې د صوبې مسئلې په ډاګه کړي او حکومت سره دې مذاکرات اوکړي ، مونږ به بلوچستان باندې نوره هم زياته توجه ورکوؤ، او د صوبې تولې مسئلې حل کولو پورا کوشش به کولې شي ۔
د وزيراعظم وينا وه چې د آپريشن بنيان مرصوص په عظيمه کاميابۍ ټول قام ته اومبارکي ورکړې او وئيلي دي چې پاکستان دښمن ته داسې غاښ ماتې جواب ورکړې چې تول عمر به ياد ساتي ۔
وزيراعظم دا هم اووئيل چې پاکستان د بهارت نه د کال نورلس سوه يو اوويايم جنګ بدله اخستې ده، وزيراعظم دا هم وئيلي چې دا يو ډېر مختصر او خطرناک جنګ وو، چې پکښې الله پاک پاکستان ته کاميابي ورکړېده ۔
وزيراعظم شهبازشريف اووئيل چې پاکستان د بهارتي نه د يو اوويايم جنګ بدل اخستې، د فيلډ مارشل عاصم منير قيادت کښې پاک فوج تاريخي کاميابي ترلاسه کړېده ۔
وزيراعظم اووئيل چې عسکري قيادت د ټول قام سر د فخر نه اوچت کړېدې ، نن د پاکستان دوست ملکونه هم د پاکستان په کاميابۍ خوشحالۍ نمانځي ۔
وزيراعظم مخکښې اووئيل چې معرکه حق کښې د پاکستان فوج دښمن ته داسې سبق ښودلې چې اوس به ټول عمر ياد ساتي ۔
