پيښور کښې پيپلز پارټۍ د خيبر پښتونخوا پي ټي آئي حکومت اربونو روپو کرپشن خلاف اسمبلۍ چوک کښې احتجاج کړې ، د کارکنانو وزيراعلیٰ هاؤس طرف ته تلو کوشش باندې ئې پوليس سره انښتې شوي او دې دوران کارکنانو باندې پوليس شيلنګ کړې او د آنسو ګيس استعمال ئې هم کړېدې ۔
پيپلز پارټۍ پيښور کښې د پي ټي آئي کرپشن خلاف صوبه بچاؤ تحريک مهم سلسله کښې شوې دغه احتجاج کښې د پيپلز پارټۍ کارکنانو ګڼ شمير کښې شريک وو ۔
مظاهرچيانو خيبر روډ ټريفک لپاره بندکړې وو او ريډ زون ته ئې د تلو کوشش کولو، د مظاهرچيانو دغه کوشش اودرولو لپارپ پوليس د آنسو ګيس استعمال کړې او شيلنګ ئې هم کړېدې، د پوليس شيلنګ او آنسو ګيس لوجې د پيپلز پارټۍ پخوانې صوبائي صدر نجم الدين خان او نورو يوشمير کارکنانو طبيعت هم خراب شوې ۔
اسمبلي چوک کښې د باني پي ټي آئي رهائۍ لپاره لګولوې شوې کيمپ ته اوور هم لګولې شوې وو او دغه کيمپ سوزيدلې دې ، پوليس وئيلي چې د سي سي ټي وي کيمرو په مدد به د ملزمانو شناخت کولې شي ۔
بلخوا د پيپلزپارټۍ چيئرمين بلاول بهټو زردارى پېښور کښې صوبه بچاو تحريک په اړه د پيپلز پارټۍ په ريلۍ حملې مذمت کړې او د خېبرپښتونخوا صوبائى حکومت د پرامنه احتجاج لاره اودرول اصل کښې د بدترين کرپشن پټولو ناکامه کوشش دې ۔
چيئرمين بلاول بهټو اووئيل چې خېبرپښتونخوا کښې د لاقانونيت او بې روزګارۍ خلاف احتجاج کونکو پرامنه سياسي کارکنانو باندې آنسو ګيس شيلنګ قابل افسوس دې ۔
چيئرمين پيپلزپارټى وئيلي چې مونږ ويريږو نه ،د خېبرپښتونخوا کرپټ او نااهل صوبائي حکومت مخه به لازمي نيسو او د دوي کرپشن به په ډاګه کوؤ ۔
بلاول زياته کړه چې د پي ټي آئي حکومت په پرامنه سياسى کارکنانو تشدد کول د بزدلۍ ثبوت دې او خېبرپښتونخوا کښې صوبه بچاو تحريک د هر يو وګړي آواز جوړ شوېدې ، په سياسي کارکنانو تشدد نه پس د صوبائي حکومت اصل مخ د خېبرپښتونخوا اولس اوکتو ۔
