وزيراعظم شهبازشريف وئيلي دي چې د بهارت لخوا سندھ طاس معاهده معطل کولو فيصله قابل مذمت ده، پاکستان به د خپلې برخے په اوبو هيڅ قسمه سمجهوته اونکړي،د ګليشئيرز تحفظ مونږ لپاره مهمه دې،د موسمياتي بدلون د چيلنج د مخنيوي لپاره ټولې نړۍ له متحد کيدل پکار دي ۔
د تاجکستان سرښار دوشنبے کښې ګليشئيرز کانفرنس ته د خطاب په وخت وزير اعظم شهباز شريف وئيلي چې پاکستان د موسمياتي بدلون نه ډير متاثره شويدې ، د پاکستان فضا کښې د زهريلي ګيسونو اخراج نصف فيصد نه هم کم دې ۔
وزير اعظم زياته کړې چې د موسمياتي بدلون لوجې کال دوه زره دوه ويشتم کښې تباه کن سيلاب راغلې وو د کوم له امله چې فصلونو او انفراسټرکچر ته ډير زيان رسيدلي وو ، موسمياتي بدلون مسئلې ته ډير د پام لرنې ضرورت دې ۔
وزير اعظم شهباز شريف د ګليشئيرز په تحفظ او چيلنجز جامع خبرو کولو باندې تاجک صدر ته اومبارکي ورکړې ، او وئيلي دي چې ماحولياتي بدلون له امله د پاکستان ګليشئيرز په تيزې سره ويلي کيږي ۔
هغه مخکښې اووئيل چې پاکستان کښې ديارلس زره ګليشئيرز دي ، د پاکستان د خپلو اوبو نيمه برخه د ګليشئيرز نه حاصلوي ، د ګليشئيرز تحفط مونږ لپاره ډير مهم دې ۔
د وزيراعظم وينا وه چې بهارت دې اوبۀ د وسلې په توګه نۀ استعمالوي، اوبۀ زمونږ ريډ لائن دې، او په دې به چرې هم سمجهوته نۀ کوؤ ۔
