پاکستان دوئم ټي ټوينټي ميچ کښې هم بنګله ديش ته شکست ورکړې او سيريز کښې ئې دوه صفر سره فيصله کُن برتري ترلاسه کړېده، د پاکستان دوه سوه، يو رنز جواب کښې ميلمه ټيم بنګله ديش په نورلس اوورز کښې يو سل،څلور څلويښت رنز باندې آؤټ شوې او په اووه پنځوس رنز ئې ميچ بيللې دې، شاندار څلور اوويا رنز جوړولو باندې صاحبزاده فرحان د ميچ بهترين لوبغاړې ګرځولې شويدې ۔
لاهور کښې لوبيدلې درې ميچز باندې مشتمل د ټي ټوينټي سيريز دوئم ميچ کښې هم پاکستان ټاس ګټلو نه پس اول پخپله د بيټنګ فيصله کړې وه ،قامي ټيم مقرره اوورونو کښې شپږ وکټو په زيان دوه سوه، يو رنز جوړ کړي وو ، چې پکښې صاحبزاده فرحان ټولو نه زيات څلور اوويا، حسن نواز يو پنځوس، محمد حارث يو څلويښت او کپتان سلمان علي آغا نورلس رنز جور کړي وو ۔
بنګله ديش طرف نه حسن محمود او تنظيم حسن ثاقب دوه، دوه او راشد حسين يو وکټ په خپل نوم کړې وه ۔
د دوه سوه، دوه رنز هدف په تعاقب کښې د بنګله ديش ټول ټيم نورلسم اوور کښې يو سل، څلور څلويښت رنز باندې آؤټ شوې او ميچ ئې په اووه پنځوس رنز بيللې دې ۔
پاکستن طرف نه ابرار احمد درې، حسن علي،فهيم اشرف، حارث رؤف، شاداب خان، خوشدل شاه او صائم ايوب يو، يو وکټ په خپل نوم کړېدي ۔
بنګله ديش طرف نه ټولو نه زيات تنظيم حسن ثاقب يو پنځوس، تنزيد حسين دري ديرش او مهدي حسن مرزا دري ويشت رنز جوړ کړي وو ،شاندار څلور اوويا رنز جوړولو باندې صاحبزاده فرحان ته د ميچ بهترين لوبغاړي انعام ورکړې شويدې ۔
ميچ ګټې سره پاکستان سيريز کښې دوه صفر سره فيصله کُن برتري ترلاسه کړې ،دريم او آخري ميچ به په يکم جون اتوار په ورځ لوبيږي ۔
