اسلام آباد کښې ډي جي آئي ايس پي آر ليفټيننټ جنرل احمد شريف چودهري او د خارجه دفتر ترجمان شفقت علي سره شريکې خبري غونډې ته وينا کښې نائب وزيراعظم او خارجه وزير اسحاق ډار اووئيل که بهارت څه قسمه جارحيت اوکړو نو غاښ ماتې جواب به ورکولې شي،دې لپاره د پاکستان افواج مکمل تيار دې ۔
اسحاق ډار اووئيل چې پاکستان يو ذمه دار ملک دې او د خپلو ذمه وارو نه هم پورا خبر دې ،د پاکستان معيشت په ښۀ کيدو دې، داسې پيښې سره پخپله پاکستان ته ډير نقصان رسيږي ۔
په دې موقع ډي جي آئي ايس پي آر ليفټيننټ جنرل احمد شريف چودهري اووئيل چې الزامات لګولو په ځائي به مونږ د پهلګام پيښې حقائق طرف ته ځو ،سوال دا دې چې د پهلګام پيښې فوري لس منټه پس څنګه ايف آئي آر درج شوې ،د پيښې فوري پس د ايف آر متن يو شمير سوالونه راپورته کړي ۔
د پاک فوج ترجمان اووئيل چې د پهلګان لار دشوار ګُزار او غريزه سيمه ده ، پهلګام سره نيزدې پوليس سټيشن ديرش منټه فاصله کښې دې ، پهلګام پيښه په فوري توګه مسلمانزنو سره تړلې شوې او بهارتي ميډيا ټول تورونه په پاکستان لګولي دي ۔
ډي جي آئي ايس پي آر اووئيل چې زمونږ مؤقف واضحه دې چې د ترهه ګرو يو مذهب هم نيشته ،دا څنګه ممکنه ده چې د پيښې نه وړاندې انټيلي جنس نه وو ۔
احمد شريف چودهري اووئيل چې بهارت کښې يو شمير خلقو پخپله بهارتي حکومت نه د سيکيورټي سوالونه کړي، بهارتي وګړو وئيلي چې ترهه ګر راغلي، حمله ئې کړې، نو دوي بيا آخر واپس څنګه تلي دي ۔
هغه زياته کړې چې د ترهه ګرۍ پيښې د سياست لپاره استعمالول د بهارت ډير زوړ عادت دې ،بهارت غواړي چې ترهه ګرۍ خلاف د پاکستان کاميابۍ سبوتاژ کړي ۔
ترجمان پاک فوج دا هم اووئيل چې پهلګام پيښه د سند طاس معاهدې منسوخ کولو لپاره استعماليږي ،د مقبوضه کشمير خلقو هم د پهلګام پيښې حقائق په ډاګه کړېدي ،بهارتي فورسز د کشمير بے ګناه خلق قتل کوي او ترهه ګر ئې ګرځوي ۔
خبري غونډه ته وينا پر مهال د خارجه دفتر ترجمان شفقت علي اووئيل چې بهارتي اقداماتو د پهلګام پيښې متعلق صورتحال ډير مشکوک کړېدي ۔
شفقت علي زياته کړه چې د پهلګام پيښې لس منټه پس فوري ايف ئي آر درج کړې شوې ،پهلګام پيښې ځائې د ايل او سي نه دوه سوه ديرش کلوميټره لرې دې ۔
