نائب وزيراعظم و خارجه وزير اسحاق ډار وئيلي دي چې د پاکستان او سعودي عرب ترمينځ دفاعي معاهده شپه په شپه نۀ ده شوې، بلکه په دې ډير وخت لګيدلې دې، سعودي عرب هميشه مشکل وخت کښې د پاکستان ملګرتيا کړيده، اسحاق ډار مطابق نور هم ځيني داسې ملکونه شته ، چې خواهش لري د پاکستان سره دفاعي معاهده اوکړي ۔
لندن کښې ميډيا سره خبرو دوران نائب وزيراعظم او خارجه وزير اسحاق ډار اووئيل چې د پاکستان او سعودي عرب ترمينځ دفاعي معاهده د مخکښې نه موجود وه، موجوده معاهده شپه په شپه نۀ ده شوي، په دې ډير وخت لګيدلې دې ۔
په دې موقع د اسحاق ډار نه يو خبريال پښتنه اوکړۀ چې آيا نور ملکونه به هم دې معاهده کښې شرکت کوي؟ جواب کښې اسحاق ډار اووئيل چې په دې اړه خبره کول به د وخت نه مخکښې وي، البته ځيني ملکونه داسې شته چې د پاکستان سره دفاعي معاهدې کولو خواهش لري ۔
وزيرخارجه زياته کړې چې سعودي عرب تل مشکل وخت کښې د پاکستان ملګرتيا کړيده، موجوده بحران او آئي ايم ايف پيکج لپاره هم برادر اسلامي ملکونو پاکستان سپورټ کړيدې، د دې معاهدې سره به د منطقې امن يقيني شي ۔
