پنډۍ کښې جاري د پاکستان او بنګله ديش ترمينځ د اولني ټيسټ ميچ دريمې ورځې لوبه سرته رسيدلې ده ۔
دريمې ورځې لوبه ختمدو پورې بنګله ديش ټيم اولني اننګز کښې د پنځه وکټو په زيان درې سوه شپاړس رنز جوړ کړيدي ۔
بنګله ديش لخوا شادمان اسلام شاندار درې نوي رنز جوړولو نه پس آؤت شويدې ۔
مومن الحق په پنځوس، نجم الحسن شانتو شپاړس، شکيب الحسن پنځلس او ذاکر حسين په دولس رنز آؤټ شويدي ۔
مشفيق الرحيم پنځه پنځوس او ليتن داس په دوه پنځوس رنز ناټ آؤټ دي ۔
پاکستان طرف نه خرم شهزاد دوه، نسيم شاه، محمد علي او صائم ايوب يو، يو وکټ اخستې ده ۔
دې نه وړاندې پاکستان خپل اولنې اننګز په څلور سوه اته اوويا رنز ډکلير کړې وو۔
د پاکستان د اولني اننګز سکور پورا کولو لپاره بنګله ديش د نور يو سل دوه ديرش رنز ضرورت دې، ميچ کښې د څلورمې او پنځمې ورځې لوبه پاتې ده ۔
پاکستان طرف نه اولني اننګز کښې محمد رضوان شاندار يو سل يو اوويا رنز سره ناټ آؤت پاتې شوې وو، سعود شکيل هم شاندار يو سل يو څلويښت رنز جوړ کړي وو ۔
