د نيشنل ډائيلاګ کميټۍ اجلاس نه پس اعلاميه جاري شوې، اعلاميه کښې صدر مملکت، وزيراعظم او د مسلم ليګ ن قائد مشاورت سره حکومتي مذاکراتي کميټۍ جوړولو تجويز وړاندې شويدې، اعلاميې ترمخه اپوزيشن ډائيلاګ کميټۍ ته دې سياسي قيديانو ته رسائي ورکړې شي،زنانه پشمول ټول سياسي کارکنان دې رها او د دوي مقدمې دې ختم کړې شي،کميټۍ د ميډيا سنسر شپ ختمولو مطالبه هم کړې ،اعلاميې مطابق سينيټ او قامي اسمبلۍ کښې دې اپوزيشن ليډر هم تعينات کړې شي ۔
اسلام آباد: ملک کښې روان سياسي بحران خاتمې او سياسي پارټو ترمينځ يو والې پيدا کولو لپاره د نيشنل ډائيلاک کميټۍ کانفرنس اسلام آباد کښي ترسره شوې ۔
داجلاس وروستو جاري شوې اعلاميه کښې وئيلي شوي چې د صدر مملکت آصف علی زرداری، وزیراعظم شهباز شریف اور مسلم لیگ ن قائد نواز شریف په مشاورت حکومتی مذاکراتی کميټي جوړه کړې شي ، د اپوزیشن کميټي به هم جوړولي شي چې د سیاسی قيديانو سره په شريکه به دا ډائیلاګ کميټۍ هلې ځلې مخ په وړاندې بوځي ۔
د اجلاس اعلاميې مطابق سينيټ او قامي اسمبلۍ کښې دې په فوري توګه اپوزيشن ليډرز اوټاکلې شي، د سياسي قيديانو رهائۍ سره به په حکومت اعتماد سيوا شي، په ميډيا سنسرشپ دې ختم کړې شي او په سياسي کسانو مقدمات دې ختم کړې شي ۔
دنيشنل ډائيلاک کميټۍ زير اهتمام اسلام آباد کښې دې قامي ډائيلاګ کښې سابق وزيراعظم شاهد خاقان عباسي ، د جماعت اسلامي لياقت بلوچ ، شير افضل مروت ، بيرسټر سيف ، عمران اسماعيل اونور يو شمير مشرانو ګډون کړې ۔
د کميټۍ غړي فواد چودهري وينا وه چې د کانفرنس مقصدپه سياسي معاملو د ټولو پارټو ترمينځ اتفاق رائے پيدا کول دي،
نيشنل ډائيلاک کميټۍ د خبرو اترو عمل جاري ساتلو باندې اتفاق کړې او د کميټۍ راروانه غونډه په ملتان کښې کولو باندې غړي متفق شويدي ۔
پي ټي آئي او تحريک تحفظ پاکستان اسلام آباد کښې ترسره شوې د نيشنل ډائيلاک کميټۍ په غونډه کښې شرکت نۀ کولو اعلان کړې وو ۔
د نيشنل ډائيلاګ کميټۍ غونډه ته سياسي مشرانو هم وينا کړې، د قامي اسمبلۍ رکن شير افضل مروت وئيلي چې پي ټي آئي لويه پارټي ده خواپوزيشن ليډر ئې بل څوک نامزد کړې، زۀ نه منم سوچ د پارټي دا حال کړېدې، مذاکرات صرف د قيديانو خوشې کولو لپاره نه بلکه بنيادي نظام باندې هم کول پکار دي ۔
شاهد خاقان عباسي وئيلي چې سياسي استحکام لپاره ټولو ته يوځائې ناسته پکار ده ،چې ملک کښې اړې ګړې جاري وي نو ترقي نشي کيدې ۔
