د عوامي نېشنل ګوند صوبائي صدر میاں افتخار حسین د مولانا خانزیب او د هغه د ملګرو په وژنه سخت خفګان ښودلې او دا يئې د پښتنو په شعور، امن او سیاست حمله بللې ده. مياں افتخار حسین د درې ورځو د سوګ نمانځلو اعلان ھم کړيدې ۔
پيښور: د عوامی نیشنل پارټۍ خيبرپښتونخوا صدر میاں افتخار حسین لخوا جاري شوې بیان کښې وئیلي شوي چې مولانا خانزیب یو زړور، نظریاتي او پُرامن عالم دين وو ۔
هغۀ اووئيل چې د مولانا خانزيب سرِ عام وژنې دا ثابته کړې چې ترهه ګر بیا زمونږ په سیمو کښې په آزادانه توګه فعاله دي، او ریاستي ادارې په خاموشۍ سره دا هر څه ګوري ۔
د اے این پی صوبائی صدر خپل بیان کښې وئیلي چې د مولانا خان زیب او د ھغه د ملګرو د افسوس ناکې پيښې لوجې به د ګوند ټولې هلې ځلې درې ورځو پورې معطل وي ۔
میاں افتخار حسین زياته کړې چې دې دوران به ټول کارکنان د شهیدانو لپاره دعاګانې کوي او پخپلو کورونو به تور بیرغونه ھم د احتجاج په توګه لګوي ۔
هغه مخکښې وئيلي چې هغوي به د کارکنانو، مولانا خانزیب لواحقینو او مقامي قیادت سرہ د مشورے نه پس ډير زر د راتلونکي تګ لارې فیصله اوکړي ۔
