د بهارت حمايت يافته ترهه ګرو بلوچستان کښې يوه بله کارروائي کړې او کوئټې نه لاهور ته تلونکي نهه مسافر ئې د ګاډو نه اغوا کړي او بيا ئې په ډزو شهيدان کړيدي، بلوچستان حکومت د پيښې تصديق کړي او وئيلي دې چې ترهه ګرو دغه مسافر د ګاډو نه کوز کړي وو او بيا ئې د شناخت وروستو اغوا کړي وو ۔
د بلوچستان حکومت ترجمان شاهد رند د ترهه ګرو د کاروائۍ نتصديق کړې او دا پيښه ئې د بهارتي حمايت يافته ترهه ګرو درندګي بللې ده، هغه اووئيل چې پيښه لورالائي او موسیٰ خیل ترمينځ قامي شاهراه باندې سرګئي په مقام رامخې ته شويده ۔
د شاهد رند وينا وه چې ترهه ګرو نهه مسافر د ګاډو نه راکوز کړي وو، بيا ئې د شناخت نه پس ځان سره تښتولي وو او بيا ئې شهيدان کړيدي ۔
هغه مخکښې اووئيل چې د ګاډر ډرائيور لورالائي ته رسيدو نه پس انتظاميه د پيښې نه خبر کړې وه،سيکيورټي فورسز د ډرائيور د وينا نه پس کاروائي شروع کړې او د پيښې ځائې ته رسيدو نه پس ئې د ترهه ګرو لټون شروع کړېدي ۔
شاهد رند اووئيل چې ترهه ګرو د شپې د تيارۀ نه فائده اخستې او تيښته کښې کامياب شوي دي، ولې د سيکيورټي فورسز د ترهه ګرو لټون حوالې سره کاروائي اوس هم جاري ده ۔
شهيد شوي کسانو کښې دوه وروڼه عثمان او جابر هم شامل دي، د دوي بل ورور په سوشل ميډيا خپل بيان کښې وئيلي چې د دوي پلار وفات شوې وو او وروڼه ئې د پلار جنازې ته راتلل، دواړه وروڼه خپلې فيملي سره واپس پنجاب ته راروان وو چې په لاره دغه پيښۀ رامخې ته شويده ۔
