د پاکستان سُپر ليګ لسم ايډيشن په دوئم کواليفائر ميچ کښې لاهور قلندرز په پنځه نوي رنز اسلام آباد يونائټډ ته شکست ورکړې او د ميګا ايونټ فائنل ته ئې کواليفائي کړېده، د قلندرز دوه سوه، درې رنز هدف تعاقب کښې د يونائټډ ټول ټيم شپاړسم اوور کښې صرف په يو سل ، اووه رنز آؤټ شوې او د فائنل زغل نه پاتې شويدې ۔
د لاهور قذافي سټيډيم کښې لوبيدلې کواليفائر ټو ميچ کښې قلندرز ټاس ګټلو نه پس اول پخپله د بيېټنګ فيصله کړې وه، او مقرره اوورونو کښې ئې اتۀ وکټو په زيان دوه سوه، دوه رنز جوړ کړي وو، چې پکښې ټولو نه زيات کوسال پريرا يو شپيتۀ او محمد نعيم پنځوس رنز باندې آؤټ شوي وو ۔
اسلام آباد يونائټډ طرف نه تيمل ملز درې او سلمان ارشاد دوه وکټې په خپل نوم کړې وې ۔
د لاهور قلندرز دوه سوه، درې رنز هدف تعاقب کښې د يونائټډ ټول ټيم شپاړسم اوور کښې صرف په يو سل ، اووه رنز آؤټ شوې او د فائنل زغل نه پاتې شويدې ۔
اسلام آباد يونائټډ لخوا ټولو نه زيات سلمان علي آغا دري ديرش او شاداب خان پنځه ويشت رنز جوړ کړي وو، او د ټيم نهه لوبغاړي ډبل فيګر کښې هم نۀ وو داخل شوي ۔
لاهور قلندرز طرف نه شاهين شاه آفريدي، سلمان مرزا او راشد حسين درې درې وکټې اخستي او د ميچ ګټه کښې ئې اهم کردار ادا کړېدې ۔
د لاهور قلندرز سلمان مرزا شاندار بولنګ باندې د ميچ بهترين لوبغاړي ګرځولې شويدې، د ميګا ايونټ فائنل به اتوار په ورځ لاهور قلندرز او کوئټه ګليډې ايټرز ترمينځ لوبيږي ۔
