د مسلم ليګ ن قائد او پخواني وزيراعظم نواشريف وئيلي دي چې اولس د دروغو، کرکې او بدو ردو سياست مسترد کړې، چې ورسره د فتنے سياست ته شکست شويدې، اولس ترقۍ او پرمختګ ته خپل قيمتي ووټ ورکړې،نورو باندې د غلا الزاماتو لګونکي نن پخپله غلاګر ثابت شويدي، د قامي اسمبلۍ نوې منتخب شوې اراکينو ته خطاب کښې نوازشريف وئيلي چې ضمني انتخاباتو نه دا څنګه بائيکاټ وو ،چرته چې د عمر ايوب کورودانه د پي ټي آئي اميدواره وه ۔
لاهور: ضمني انتخاباتو کښې منتخب شوي د قامي اسمبلۍ اراکينو لاهور جاتي امرا کښې د مسلم ليګ ن قائد نوازشريف سره ملاقات کړې، په دې موقع پخواني وزيراعظم نوې منتخب اراکينو ته اومبارکي هم ورکړيده ۔
د مسلم ليګ ن کامياب شوي اراکين اسمبلي ته خپله وينا کښې نوازشريف اووئيل چې نورو باندې د غلو تورونه لګونکي نن پخپله غلاګر ثابت شوي دي ۔
هغه اووئيل چې الله پاک په فضل اولس د دروغو، نفرت او بدو ردو سياست مسترد کړې، چې ورسره د فتنے سياست ته شکست شويدې ۔
نوازشريف اووئيل چې د پي ټي آئي تير حکومت کښې يو ترقياتي کار هم نۀ دې شوې، ګراني ئې نهه ديرش فيصد ته رسولې وه، کومه چې موجوده حکومت راکمه کړې او ملک ئې ديواليه کيدو نه بچ کړېدې ۔
نوزشريف مخکښې اووئيل چې د دوي ټول سياست جلاؤ ګهيراؤ او فساد نه ډک دې، داسې حال کښې ملک ترقي نشي کولې، باني پي ټي آئي د دې هر څه ذه وار دې ، او هغه چې چا هم وزيراعظم جوړ کړې، هغوي ټول هم شريک مجرمان دي ۔
