امن زمونږ اولنې ترجيح دې،که بهارت دوباره په پاکستان د حملې حماقت اوکړو نو جواب به د لسمې مئي نه هم سخت وي،د ډي جي آئي ايس پي آر ليفټيننټ جنرل احمد شريف چودهري بهارت ته پيغام، د الله په حکم زمونږ پاکستان فولادي ديوال ثابت شوې او مودي ته ئې داسې جواب ورکړې چې ټول عمر به ياد ساتي، په دې موقع هال کښې د پاکستان هميشه زنده باد نعرې هم وهلې شويدي ۔
دخېبر پښتونخوا مختلفو جامعاتو دوه نيم زره طلباته وينا کښې د پاک فوج ترجمان ليفټيننټ جنرل احمد شريف چودهري وئيلي دي چې ټول قام او پاک فوج هميشه متحد وو، او بيا به هم خپل وطن لپاره يو وي ۔
احمد شريف شودهري اووئيل چې بهارت سوچ کړې وو چې ګنې هغه به په پاکستان حمله کوي او پاکستان به جواب نۀ ورکوي، ولې تاسو اوکتل چې ټول قام څنګه د خپل فوج پشا لکه د غر اودريدلې ، د الله پاک په حکم دښمن خلاف يو فولادي ديوال جوړ شوې، د بهارت هاغه ټولې حکمت عمليانې چې کومې ئې کړې وې ،هغه ټول ئې غلطې ثابت کړېدي ۔
ليفټيننټ جنرل احمد شريف چودهري اووئيل چې دښمن ګنړل چې ګنې پاکستاني اولس او پاک فوج د يو بل نه لرې دي، ولې داسې خبره بالکل نيشته، دا قام او پاک فوج هميشه نه دغه شان وو او هم دغه شان به يو وي ۔
د آئي ايس پي آر ډائريکټر جنرل اووئيل چې عسکري قيادت او فيلډ مارشل عاصم منير فيصله کړې وه چې مونږ به د بهارت شپږ ويشت ځايونه په نښۀ کوؤ، او جواب به ورکوؤ، مظفر آباد کښې چې اووه کلن ارتضیٰ د کوم بريګيډ هيډکوارټر په حکم شيلنګ کښې شهيد کړې شوې وو مونږ هاغه ټول هيډکوارټر تباه کړې دې ۔
د پاک فوج ترجمان مخکښې اووئيل چې په شپږمه او اوومه مئي کوم هوائي اډو نه بهارتي جهازونه الوتي وو، دکومو کاروائۍ خښې چې پاکستانيان شهيدان شوي وو، مونږ هاغه ټولې بهارتي اډې هم تباه کړېدي ۔
ډي جي آئي ايس پي آر سوال کړې چې تاسو مونږ ته اووائې چې آيا پاک فوج بهارت کښې يو هم عامه آبادي، مندر يا عام خلق په نښه کړي؟ بالکل مو دغه ځايونه نۀ دي په نښه کړي، ولې چې مونږ امن پسند خلق يو، امن ته ترجيح ورکونکي يو، زمونږ اولنې انتخاب امن دې، که چرې بهارت دوباره په پاکستان د حملې بے وقوفتيا اوکړه نو د لسمې مئي نه به ورته هم سخت جواب ورکولې شي ۔
هغه اووئيل چې منطقه کښې او پاکستان څومره هم ترهه ګرۍ پيښې کيږي، يا بلوچستان کښې د ترهه ګرۍ واردات کيږي، دې ټولو کښې دې ټولو کښې فتنته الهندوستان ککړ دې، د دې يو يو واردات پشا ، د يو يو شهيد پشا د بهارت تور مخ دې ۔
