ګورنرفيصل کريم کنډي د خېبرپښتونخوا وزيراعلیٰ سهيل آفريدي ته د صوبې ګورننس کښې بهترۍ لپاره د مرستې وړانديز کړېدې،فيصل کريم کنډي وئيلي چې چرته هم وزيراعلیٰ ته د ګورنرهاوس يا اپوزيشن مرسته پکار وي نو مثبت جواب به ورکولي شي ۔
د خېبرپښتونخوا ګورنر فيصل کريم کنډي لخوا وزيراعلیٰ سهيل آفريدي ته صوبه کښې ګُډ ګورننس لپاره د ګورنر هاؤس د هر قسمه مرستو وړانديز شويدې ۔
پيښور کښې ميډيا سره خبرو پر مهال ګورنر فيصل کريم کنډي وئيلي دي چې چرته هم وزيراعلیٰ ته د ګورنرهاوس يا اپوزيشن مرسته پکار وي نو مثبت جواب به ورکولي شي ۔
فيصل کريم کنډي مطابق علي امين ګنډا پور خپله دا غوښتل چې وفاق سره حالات خراب وي، بهر خو به علي امين لوئې لوئې خبرې کولې، ولې دننه ئې هغوي سره صلا يوه وه ،موجوده حکومت ته به دا هم ډير زر معلومه شي چې تر وزير اعلیٰ کومې کومې غلطۍ کړي ۔
ګورنر فيصل کريم کنډي وئيلي چې د علي امين ګنډا پور په تلو چې څومره پي ټي آئي خوشحاله ده ،دومره اپوشين نه دي، ډير زر به پاکستان تحريک انصاف يوم نجات هم اونمانځي ۔
ګورنر اووئيل چې ووزيراعلیٰ ته بريفنګ ورکړې کيږي، يو څو ورځو کښې به هر څه واضحه شي ، وزيراعلیٰ به بهتري راولي ، چرته چې هم وزيراعلیٰ ته د ګورنرهاوس يا اپوزيشن مرسته پکار وي نو مثبت رسپانس به ورکولي شي ۔
هغه داهم وئيلي چې صوبه کښې امن قيام لپاره وزيراعلیٰ جرګه جوړوي، کوم چې د خوشحالۍ خبره ده، سهيل آفريدي له ټولو نه اول پارليمنټ په اعتماد کښې اختسل پکار دي، وزيراعلیٰ دې پارليماني جرګه جوړولو سره د هرې ضلعې دوره اوکړې، او جرګه کښې دې د اپوزيشن پشمول ټول سياسي جماعتونه شامل کړي ۔
