د خېبرپښتونخوا ګورنر فيصل کريم کنډي وئيلي دي چې د بده مرغه د سانحه سوات په وخت ايئر ايمبولينس په سوات کښې موجود نه وو، ايئرايمبولنس د شندور پولو فيسټول کښې د وزيرانو خپل خپلوانو په خدمت کښې استعماليدو، پښتونخوا کښې پي ټي آئي ديارلس کالو راهسې حکومت کوي، مخکښې ئې تجاوزات قائمولو لپاره پيسې اخېستي او اوس خلقو نه سياسي انتقام اخلي ۔
پيښور کښې ميډيا سره خبرو پرمهال د خېبرپښتونخوا ګورنر فيصل کريم کنډي اووئيل چې افسوس سره وائيم چې سوات کښې د سيلګرو بچ کولو لپاره ايئرايمبولنس موجود نه وو، ايئرايمبولنس د شندور پولو فيسټول کښې د وزيرانو خپل خپلوانو په خدمت کښې استعماليدو ۔
هغه اووئيل چې دوي دومره نالائق دي چې ايئرفورس او نيوي مدد ئې نه دې اخستې، ولې ريسکيو سره لامبوزن ټيم نۀ وو، تحريک انصاف په پښتونخوا کښې تير ديارلس کالو راهسې حکومت کوي ۔
د ګورنر خېبرپښتونخوا وينا وه چې حکومت اوس تجاوزاتو خلاف آپريشن شروع کړې، چا چې د تجاوزاتو اجازت ورکړې دوې دې هغوي خلاف اول آپريشن اوکړي ۔
فيصل کريم کنډي اووئيل چې حکومت مخکښې خلقو نه تجاوزات قائمولو پيښې اخېستې وې او اوس خلقو نه سياسي انتقام اخلي ۔
