شانګله کښې سرچ آپريشن دوران د ترهه ګرو په ډزو درې پوليس اهلکاران شهيدان شوي، د پوليس فوري جوابي کاروائۍ دوران درې ترهه ګر هم خپل انجام ته رسولې شويدي ۔
شانګله: پوليس چارواکو وئيلي چې د شانګله کابلګرام سيمه کښې پوليس د ترهه ګرو موجودګۍ په خفيه اطلاع آپريشن کړې دې ۔
دې دوران سيمه کښې موجود ترهه ګرو په پوليس اهلکارانو ډزې کړي، چې پکښې درې اهلکاران شهيدان شوي، پوليس فوري جوابي کاروائي هم کړېده ۔
پوليس چارواکو مطابق د پوليس اهلکارانو جوابي کاروائۍ کښې ترهه ګرو سره ډير وخت پورې د ډزو تبادله شوې، چې پکښې درې ترهه ګر هم خپل انجام ته رسولې شويدې ۔
پوليس چارواکو ترمخه د پوليس جوابي کاروائۍ دوران د ترهه ګرو نورو ملګرو د تيارې نه فائده اخستې او تيښته کښې کامياب شوي دي ۔
د پوليس شهيد شوي اهلکارانو جنازې مونځ پوليس لائن الپوري کښې ادا شوې، چې پکښې د پوليس ، پاک فوج افسرانو او اهلکارانو، د شهدا خپل خپلوانو او ځائي خلقو ګڼ شمير کښې ګډون کړېدې ۔
