د ډيره اسماعيل خان علاقې رته کلاچي کښې بيګا د شپې ناوخته ترهه ګرو د پوليس ټيننګ سکول باندې حمله کړې، دې دوران سيکيورټي فورسز کاروائي کړي او حمله کونکي شپږ واړه ترهه ګر ئې وژلي دي، انښته کښې اووه پوليس اهلکار شهيدان شوي او اووه نور سخت ژوبل شويدي ۔
ډي آئي خان: پوليس چارواکو وينا ترمخه بيګا د شپې ناوخته د رته کلاچي سيمې پوليس ټريننګ سکول باندې ترهه ګرو حمله کړې ، حملې سره سم ترهه ګرو د بارودو نه ډک ټرک د ټريننګ سکول ګيټ سره جنګولې ، چې ورسره چاودنه شوې وه، او بيا مختلف وردو کښې ترهه ګر سکول ته داخل شوي وو ۔
پوليس چارواکو مطابق د ترهه ګرو حملې وروستو سيکيورټي اهلکارو فوري کاروائي کړې او حمله کونکي شپږ ترهه ګر ئې وژلي دي ۔
پوليس چارواکو اووئيل چې ترهه ګرو بيګا د شپې خواؤشا اتۀ بجې پوليس ټريننګ سکول باندې حملې سره سم خودکش حمله کړې وه، بيا د شپې ناوخته پوليس او سيکيورټي اهلکارانو آپريشن مکمل کړې ، دغه آپريشن کښې پوليس اور سيکيورټي فورسز برخه اخستې وه ۔
ډي پي او ډې آئي خان وئيلي چې پوليس اهلکارانو د ترهه ګرو په کلکه مقابله کړې ، چې دوران د ترهه ګرو او سيکيورټي فورسز ترمينځ د ډزو تبادله شوې ۔
ډي پي او اووئيل چې دغه آپريشن پنځه ګهنټو پورې جاري وو، وژلي شوي ترهه ګرو قبضې نه خودکش جيکټې بارودي مواد او وسله برآمد شوې ۔
د سيکيورټي فورسز او ترهه ګرو ترمينځ شوې دغه انښته کښې ژوبل شوي اووه اهلکاران هسپتال ته منتقل کړې شوي دي ، پوليس چارواکو مطابق حملې پر مهال ټريننګ سکول کښې دوه سوه پورې استاذان او او نوره عمله موجود وه ۔
بلخوا د خېبرپښتونخوا آئي جي ذوالفقار حميد وئيلي چې سيمه د ترهه ګرو نه کليئر کړې شويده م سرچ اينډ سټرائيک آپريشن جاري دې ۔
آئي جي خيبر پښتونخوا مخکښې اووئيل چې پوليس ټريننګ سکول کښې حملې وروستو آر پي او ډي پي او کاميابه کاروائي کړې او ټول ترهه ګر ئې وژلي دي ۔
