خېبر پښتونخوا حکومت د بي آر ټي د پرله پسې خسارې لوجې د بس سروس کرائيانو کښې د اضافې فيصله کړيده، دې لړ کښې جاري اعلاميې ترمخه د بي آر ټي کرايه کښې به د يو سټاپ په سر تر لس روپو پورې اضافه کولې شي ۔
پيښور: جاري شوې نوټي فکيشن مطابق پنځه کلوميټره پورې سفر کونکو مسافرو نه به اوس ديرش روپۍ کرايه وصول کولې شي او دې نه علاوه به څلويښت کلوميټره پورې سفر کونکو نه به اوويا روپۍ کرايه اخستې شي،او د ټکټ په قيمت کښې هم لس روپۍ اضافه شويده ۔
د کرايانو د اضافې فيصله د ټرانز پشاور د بورډ آف ګورنر په غونډه کښې شوې او د بي آر ټي په مالي خساره هم غور شوې دې ۔
د دستاويزاتو ترمخه تير کال حکومت بي آر ټي ته څلور اربه روپۍ سبسډي ورکړې وه خو بيا هم د بي آر ټي په خساره کښې کمې نۀ دې راغلې او کرائيانو کښې د اضافې لوجې به د شپږ لکه مسافرو په موجودګۍ کښې حکومت ته د يوې ورځې شپيته لکه روپۍ فائده اورسي ۔
