کوئټه کښې د صوبائي وزيرانو او د سي ټي ډي د ډي آئي جي سره شريک خبري کانفرنس ته رياست ته تسليم شوي ترهه ګر کمانډرانو تصديق کړې چې رياست پاکستان او سيکيورټي فورسز ته ئې زيان رسولو ۔
ترهه ګر کمانډر نجيب الله وئيلي چې غير ملکي استخباراتي ايجنسۍ راته وئيلي وو چې بلوچستان آزادۍ سره کار نه لرو خو پاکستان کښي اړې ګړې پيدا کول لوئې مقصد دې ۔
رياست ته تسليم شوي دغه ترهه ګر کمانډرانو زياته کړې چې بلوچ بيلتون غوښتونکي په بهر ملکونو کښې عياشي کوي ، په غرونو کښې جهګړه کښې مصروف بلوچيانو ته دوه وخته ډوډۍ هم نۀ ميلاويږي ۔
په دې موقع صوبائي وزير ظهور بليدي اووئيل چي بلوچستان کښې د ترهه ګرۍ عجيبه لوبه روانه ده ، د ترهه ګرو هينډلرز معصومه خلقو ته شنۀ باغونه ښائي او د خپل مقصد لپاره ئې استعمالوي ۔
مختلف ترهه ګر تنظمونو سره تعلق لرونکي رياست ته تسليم شوي کمانډرانو کښې نجيب الله عرف درويش او عبد الرشيد عرف خدائيداد شامل دي ۔
