د خېبر پښتونخوا وزيراعلیٰ سهيل آفريدي په مشرۍ کښې چيف منسټر ماډل سکولونو قیام په حواله اهم اجلاس شوې،وزيراعلیٰ ته د دې منصوبې په حواله بريفنګ ورکړي شوې،اجلاس ته وينا په وخت وزيراعلیٰ وئيلي چې تعليم د هر ماشوم بنيادي حق دې، د صوبې تعليمي نظام ښه کول د حکومت وړمبې ترجيح ده، دغه سکولونو جوړول به د حکومت د تعليمي اصلاحاتوايجنډا کښې مهم او تاريخې ګام ثابت شي،دې سکولونو کښې به د جديد تدريسي نظام تربيت يافته استاذان او د نړيوال معيار سهوليات ورکولې شي ۔
پېښور: د خېبر پښتونخوا وزيراعلیٰ محمد سهيل آفريدي په صدارت کښې د چيف منسټر ماډل سکولز د قيام متعلق اهمه غونډه شوې چې پکښې هغوي ته دغه منصوبه باندې تفصېلي بريفنګ ورکړې شوېدې ۔
په دې موقع وزيراعلیٰ د چيف منسټر ماډل سکولونو جوړيدو لپاره د قانوني فريم ورک د تيارۍ عمل په فوري توګه د شروع کولو هدايت کړې دې ۔
سهيل آفريدي وئيلي دي چې معياري تعليم د هر ماشوم بنيادي حق دې او په صوبه کښې د تعليمي نظام بهترۍ او معيار کښې اضافه کول د صوبائي حکومت په وړومبو ترجيحاتو کښې شامل دې ۔
په دې موقع وزيراعلیٰ ته د بريفنګ پرمهال اووئيلي شو چې د راتلونکي مال کال دوران به د صوبې ټولې ضلعو کښې د هلکانو او جينکو لپاره په مجموعي توګه دوه اوويا چيف منسټر ماډل سکولونه جوړولې شي، په کوم چې به نهه اعشاريه پنځه ارب روپۍ خرچه راځي ۔
