ضلع بنو کښې سيکيورټي فورسز په خفيه اطلاع کاروائي کړې، آئي ايس پي آر وائي چې کاروائۍ کښې دوه ويشت ترهه ګر وژلي شوي، سيمه کښې د ترهه ګرو خاتمې لپاره آپريشن جاري دې، قانون نافذ کوؤنکي ادارې به د نيشنل ايکشن پلان تحت د وفاقي ايپکس کميټې لخوا منظور شوې د ترهه ګرۍ مخنيوي مهم به جاري ساتي ۔
د پاک فوج اطلاعاتو شعبې له لوري جاري بيان کښې وئيلي شوي چې بنو کښې آپريشن د ترهه ګرو موجودګۍ په اطلاع شوې ، سيکورټي فورسز په منظم انداز د ترهه ګرو مرکزونه په نښه کړي ، د ډزو په سخته تبادله کښې دوه ويشت ترهه ګر وژلي شوي ۔
آئي ايس پي آر زياته کړې ده چې سيمه کښې د نورو بهارتي سپانسرډ ترهه ګرو لټون او خاتمې لپاره کليئرنس آپريشن جاري دې ۔
آئي ايس پي آر مطابق د عزم استحکام لاندې ترهه ګري مکمل ختمولو لپاره کاروائيانې جاري دي ، سيکورټي فورسز او قانون نافذ کونکې ادارې د دښمن نيټ ورکس ختمولو لپاره پر عزم دي ، د بهرملکي ملاتړ په ذريعه جاري د ترهه ګرو مکمل صفائي به کولي شي ۔
بلخوا وزير اعظم په کاميابه کاروائۍ د سيکورټي ادارو ستائنه کړې او زياته کړې ده چې ټول قام د ترهه ګرۍ خلاف جنګ کښي پاک فوج سره کلک ولاړ دې ۔
وزير اعظم وئيلي دي چې دوه ويشت ترهه ګرو وژنه د سيکورټي فورسز لويه کاميابي ده ، د ملک نه د هر قسمه ترهه ګري مکمل ختمولو عزم لرو ۔
