پي ټي آئي رهنما اسد قيصر وئيلي دي چې جنرل باجوه ته ايکسټنشن ورکول زمونږ د ټولولويه غلطي وه، په دې سنګين غلطۍ د ټول قام نه معافي غواړو،آئنده د پاره به د داسې سنګين غلطيانو برخه نۀ جوړيږو ۔
اسلام آباد کښې پريس کانفرنس دوران اسد قيصر پخوانيآرمي چيف جنرل قمر جاويد باجوه ملازمت موده غزول د پي ټي آئي حکومت لويه غلطي ګرځولې او وئيلي دي چې په دې سنګين غلطۍ مونږ د ټول قام نه معافي غواړو ۔
اسد قيصر اووئيل داسې قسمه سنګين غلطۍ کولو کښې به بيا زۀ چرې هم د پارټۍ فيصلو کښې ملګرتيار اونکړم او نۀ به د داسې فيصلو برخه جوړ شم ۔
اسد قيصر اووئيل چې وئيلي چي قانون سازۍ په اړه يو نوې ډرامه شروع شوې، په دې معامله کښې به د وکيلانو سره رابطه کولې شي، روان مياشت به د اسلام آباد بار سره ملاقات روستو به د دې سلسلې آغاز کولي شي ۔
د قامي اسمبلۍ پخواني سپيکر وينا وه چې مونږ فيصله کړې چې پارليمان، عدالتونه او عوام پشمول هر فورم به استعمالولې شي، ځکه چې د ناانصافۍ او جبر خلاف خپلې هلې ځلې به مخ په وړاندې بوتلل وي ،دې ترڅنګ پي ټي آئي روانه مياشت غير ملکي سفارت کارو سره ملاقاتونه او سيمينار هم منعقد کوي ۔
هغه دعویٰ کړې چې د عدالتونو فيصلې په ميرټ نه بلکه د ادارو په دباؤ کيږي،مونږ غواړؤ چې د سياسي قيديانو کيسونو فيصله دې د حکام دباؤ په ځائې په ميرټ اوکړې شي ۔
