باجوړ کښې امن و امان لپاره د قبائلي مشرانو او وسله ترمينځ مذاکرات په دوئمه ورځ ناکامه شويدي، وسله والو د قبائلي مشرانو مطالبې منلو نه انکار کړي او وئيلي دي چې نۀ به علاقه پريږدو او نۀ وسله غورځولو ته تيا يو ۔
تفصيلاتو ترمخه د باجوړ په ماموند سيمې په شپاړس کلو کښې د سيکيورټي فورسز آپريشن معامله ،قبائلي مشرانو په دوئمه ورځ هم وسله والو پسې خبرو اترو له ورغلي ، ولې هغوي د قبائلي مشرانو مطالبې نۀ دي تسليم کړې ۔
ذرائعو وئيلي چې وسله والو او قبائلي مشرانو ترمينځ په دوئمه ورځ مذاکرات بغير د څه نتيجې ختم شويدي، ذرائعو ترمخه وسله والو وئيلي چې دوي نۀ خو سيمه پريښودو ته تيار دي او نۀ به وسله غورځوي ۔
د مذاکراتو ناکامۍ نه پس قبائلي مشران واپس خپلو سيمو ته راغلي دي او د وسله والو جواب باندې ئې غور او فکر شروع کړې دې ۔
ياده دې وي چې تيره ورځ قبائلي مشرانو او وسله والو ترمينځ مذاکرات شوي وو، وسله د قبالئلي مشرانو نه د يو ورځ مهلت غوښتې وو، ولې اوس ئې د مشرانو مطالبې منلو نه انکار کړېدې ۔
دې نه وړاندې قبالي مشرانو وسله والو نه مطالبه کړې وه چې دوي دې علاقه پريږدي او وسله دې اوغورځوي ، که دا مطالبې تسليم نۀ شوې نو د باجوړ خلق به وسله خلاف پخپله جنګيږي ۔
