وزيراعظم شهبازشريف وئيلي دي چې افغانستان کښې ترهه ګر کولاؤ پريښودلې شويدي، په اوسنۍ پيښو د صبر پيمانه ختم شوې، مجبورۍ لوجې مو افغانستان کښې د ترهه ګرو خلاف کارروائي کړي، پاک فوج د افغان جارحيت جواب ورکړې، اتۀ څلويښت ګهنټو لپاره مو جنګ بندي کړې، ملګري ملکونه په خاصه توګه قطر دغه معامله حل کولو کوشش کوي ۔
اسلام آباد: کابينې اجلاس ته خطاب کښې وزيراعظم شهبازشريف وئيلي دي چې پاکستان او افغانستان ترمينځ ډيره اوږده پوله ده، مونږ د ورورولۍ رشته قائمه ساتلې ده ۔
وزيراعظم اووئيل چې افغانستان لطرفه پاکستان کښې ترهه ګري جاري ده، څو ځله مو افغان حکومت پوهه کولو کوشش کړې خو د بده مرغه ټولو کوششونو باوجود افغان حکومت امن په ځائې جارحيت ته ترجيح ورکړېده ۔
هغه اووئيل چې په اوسنې پيښو د صبر پيمانه ختمه شويده، مجبورۍ لوجې پاک فوج د افغان جارحيت جواب ورکړېدې، فيلډ مارشل په مشرۍ کښې پاک فوج ترهه ګرو ته بهر پور جواب ورکړېدې،افغانستان کښې ترهه ګر کولاؤ پريښودلي شويدي ۔
وزيراعظم اووئيل چې افغان حکومت په خواست اتۀ څلويښت ګهنټو لپاره جنګ بندي شويده، افغانستان سره په جائز شرطونو مذاکرات کول غواړو، کۀ چرې افغان حکومت سنجيده وي نو عارضي جنګ بندي دې مخ په وړاندې بوځي، قطر دغه معامله حل کولو کوشش کوي ۔
د وزيراعظم وينا وه چې محدود وسائلو باوجود مو د افغان رونړو ميلمستيا کړېده، څو پيړو نه څلويښت لکه افغانان پاکستان کښې ميشتۀ دي، افغان رونړو لپاره مو چې څه کولې شو هغه مو کړيدي ۔
