نن لسم محرم الحرام يعنې يوم عاشور دې، نن د نواسه رسول حضرت امام حسين رض د يزيدي ځواکونو د لاسه شهيد شوې وؤ، د امام حسين رضي الله عنه د باطل په وړاندې بهادرۍ سره ولاړ وؤ، ټول ملک کښې د يوم عاشور ماتمي جلسونو سلسله جاري ده، د سيکيورټي لپاره کلک امنيتي ګامونه پورتا کړې شويدي، لارو کوڅو کښې سبيلونه لګولې شوي ۔
اسلام آباد: د يومِ عاشور په موقع خپل پيغام کښې صدر مملکت آصف علي زرداري وئيلي دي چې يومِ عاشور په اسلامي تاريخ کښې د فکر وړ ورځ ده، دا ورځ مونږ ته د ايمان، صبر و استقامت ، قربانۍ او حق پسندۍ سبق ښائي ۔
يومِ عاشور په موقع خپل پيغام کښې وزيراعظم شهبازشريف وئيلي دي چې دا ورځ د الله پاک د نصرت، اهلِ ايمان کاميابي، او د حق سربلندۍ لپاره د قربانو د عظيم واقعاتو ياد دهاني ده،دا د اصولو او اقدار د پاسدارۍ يو باوقار او مهذب معاشرې بنياد دې ۔
د خېبر پښتونخوا وزيراعلیٰ سهيل آفريدي وئيلي دي چې دکربلا واقعه د حق او باطل تر مينځ يوه عظيمه معرکه وه چې پکښې دحضرت محمد عليه السلام نمسے حضرت امام حسين د اسلام سربلندۍ لپاره بے مثاله قرباني ورکړې ده ۔
سهيل اآفردي اووئيل چې دغه عظيمه قرباني به ټول عمر لپاره ياد ساتلې شي، سهيل آفريدي دا هم وئيلي چې کربلا واقعه مونږ ته د حق حمايت ، دباطل مخالفت اوظلم خلاف په نره دمقابلې کولو درس راکوي ۔
