ګورنر خېبر پښتونخوا فيصل کريم کنډي يو ځل بيا وزیراعلیٰ علي امين ګنډاپور باندې سختې نيوکې کړي او وئيلي دي چې علي امين ګنډاپور خپل روايت برقرار ساتلې، کارکنان ئې بيا پريښودي او تښتيدلې دې، ما وئيلي وو چې دوي به جلسه نۀ کوي ۔
پيښور کښې خېبر نيوز سره خصوصي خبرو پر مهال ګورنر فيصل کريم کنډي وئيلي چې د پي ټي آئي د صوبائي حکومت ختمولو لپاره چې یو ووټ هم اپوزیشن ته ترلاسه کیږي نو کار به ترینه اخلو او دا صوبه به د دې نااهل حکومت نه خلاصوؤ ۔
ګورنر خيبر پښتونخوا مخکښې اووئيل چې ما وئيلي وو چې دوي جلسه نشي کولې، زمونږ پوزه ئې کټ کړېده، روايت ئې برقرار ساتلې او يو ځل بيا کارکنانو نه تښتيدلې دې ۔
فيصل کريم کنډي اووئيل چې حکومتونه کُل جماعتي کانفرنسز نۀ کوي، پاليسي بيانونه ورکوي، په ډاګه دې کړې شي چې د علي امين ګنډاپور کوم بيان ټهيک دې ؟
ګورنر خېبر پښتونخوا اووئيل چې ترهه ګر صوبې ته دې خلقو واپس راوستي دي، يوه صوبه هم نور رياستونو سره خبرې نۀ کوي، دا کار د وفاقي حکومت دې ۔
