علی امین ګنډاپور د خېبرپښتونخوا وزيراعلی څوکۍ نه لرې کولو فيصله شويده، د پي ټي آئي سيکريټري جنرل سلمان اکرم راجه تصديق کړې چې علي امين ګنډاپور به لرې کولې شي او سهيل آفريدي د پښتونخوا نوې وزيراعلی نامزد شويدې ۔
اډياله جيل پنډۍ کښې باني پي ټي آئي سره ملاقات نه پس ميډېا سره خبرو کښې د پي ټي آئي سيکريټري جنرل سلمان اکرم راجه تصديق کړې چې د خېبرپښتونخوا د وزيراعلی څوکۍ نه علي امين ګنډاپور لرې کولو فيصله شويده ۔
سلمان اکرم راجه اووئيل چې باني پي ټي آئي د علي امين ګنډاپور لرې کولو او سهيل آفريدي نوې وزيراعلی جوړولو هدايت کړيدې ۔
د هغه وينا وه چې باني پي ټي آئي اووئيل چې صوبه کښې حالات ډير زيات خراب دي، داسې حال کښې علي امين ګنډاپور د وزيراعلی د څوکۍ نه لرې کول ضروري دي ۔
سلمان اکرم راجه مخکښې اووئيل چې علي امين ګنډاپور د باني پي ټي آئي په خور نيوکې کړې وې پارټۍ کښې دننه د تقسيم تورونه ئې پرې لګولي وو ۔
بلخوا علي امين ګنډاپور په سوشل ميډيا خپل بيان کښې وئيلي چې دا څوکۍ د باني پي ټي آئي امانت وو، د هغه په حکم خپل امانت باني ته واپس کوم او د وزيراعلی څوکۍ نه استعفا ورکوم ۔
