سينيټ کښې منظورۍ نه پس قامي اسمبلۍ هم دو تهائي اکثريت سره د اووۀ ويشتم آئيني ترميم منظوري ورکړيده،ايوان کښې د آئيني ترميم نهه پنځوس شِقونه منظور شويدي، د ترميم په حق کښې دوه سوه، څلور ديرش او مخالفت کښې صرف څلور ووټونه اچولې شوي وو، د جے يو آئي اراکينو د ترميم مخالفت کښې ووټ ورکړيدې ،په دې موقع اپوزيشن اراکينو سخت احتجاج کړې او نعرې ئې هم وهلي دي ۔
اسلام آباد: د سپيکر سردار اياز صادق په مشرۍ کښې د قامي اسمبلۍ اجلاس شوې، قانون وزير اعظم نذير تارړ قامي اسمبلۍ ته اووۀ ويشتم آئيني ترميم بل پيش کړې او وئيلي دي چې قانون او آئين کښې ترميم يو ارتقائي عمل دې ، جسټس يحيیٰ آفريدي به د چيف جسټس پاکستان پاتې کيږي ۔
د سينيټ نه پس قامي اسمبلۍ د اووۀ ويشتم آئيني ترميم ټول نهه پنځوس شقونه دو تهائي اکثريت سره منظور کړي دي ۔
ترميم په حمايت کښې دوه سوه څلور ديرش اراکينو ووټ ورکړې، ولې په مخالفت کښې څلور ووټونه اچولي شويدي، جمعيت علمائے اسلام د ترميم په مخالفت کښې ووټ ورکړېدې ۔
حکومت قامي اسمبلۍ ته د اووۀ ويشتم آئيني ترميم کښې اتۀ نوي تراميم پيش کړي وو، څلور شقونه ويستلو او څلور شقونه اچولو ئې ترميم وړاندې کړې وو ۔
د آئين آرټيکل شپږ شق دوه کښې وفاقي آئيني عدالت لفظ شامل کړې شوېدې، آرټيکل لسم کښې لفظ سپريم کورټ اضافه کړې شوې ۔
آرټيکل يوسل شپږ ديرش کښې ئې ترميم کړېدې د موجوده چيف جسټس موده پوره کېدو پورې به چيف جسټس پاکستان وئيلي کيږي، په دے موقع اپوزيشن غړو سخت احتجاج کړې او نعرے ئي وهلي دي ۔
