د افغانستان عبوري حکومت باګرام هوائي ډګر امريکې ته نۀ حواله کولو اعلان کړې ،ترجمان ذبيح الله مجاهد دې لړ کښې د امريکائي صدر مطالبه غير ضروري ګرځولې او رد کړې ئې ده، بلخوا ذبيح الله مجاهد انکشاف کړې چې افغانستان کښې د امريکې سفارتخانه دوباره کولاولو په اړه امريکائي چارواکو سره خبرې جاري دي ۔
کابل: د بهرملکي خبري ادارې رپورټ ترمخه د افغانستان عبوري حکومت ترجمان ذبيح الله مجاهد وئيلي دي چې ملکي خپلواکۍ باندې به په هيڅ صورت سمجهوته اونکړي شي ۔
ذبيح الله مجاهد د باګرام ايئر واپس اخستو خواهش د امريکې د امريکې غير حقيقي او جارحانه اقدام ګرځولې او امريکائي صدر نه ئې د حقيقت پسندۍ روئيه خپلولو غوښتنه کړې ده ۔
هغۀ دې لړ کښې د امريکائي صدر ډونلډ ټرمپ مطالبه هم رد کړې او واضحه کړې ده چې د افغانستان د زمکې يو انچ به هم چاته ورنکړو ۔
د افغانستان حکومت ترجمان امريکې ته ورياد کړي چې دوحه لوظنامه کښې واضحه ليکلي شوي چې د افغانستان کورنو چارو کښې به لاس وهنه نۀ کيږي ، او دا چې د افغان زمکې احترام به هم کولې شي ۔
بلخوا ذبيح الله مجاهد انکشاف کړې چې افغانستان کښې د امريکې سفارتخانه دوباره کولاولو په اړه امريکائي چارواکو سره خبرې جاري دي ۔
ذبيح الله مجاهد د دې خبرې تصديق يا ترديد نۀ دې کړې چې باګران هوائي ډګر سپارلو په حواله امريکې په باضابطه توګه افغان حکومت ته تحريري درخواست کړې دې ۔
