د خيبر پښتونخوا پخوانې حکومت يو بل مالي سکنډل مخي ته راغلے دے،رپورټ مطابق خيبر پښتونخوا کښې د کال دوه زره څليريشت او کال دوه زره پينځويشت دوران د اتلس اربه او شپږ څلويښت کروړه روپو د خرد برد انکشاف شوېدې، مالي خرد برد و بي ضابطګياني د اکنامک زونز ډويلپمنټ اينډ منيجمنټ کمپنۍ کښي شوې،د کمپنۍ د ناقصه منصوبه بندۍ او کمزورو انتظامي معاملاتو له وجې سرکاري خزاني ته د اتلس اربه شپږ څلويښت کروړه رپوو نقصان رسيدلے دے ۔
پيښور: رپورټ ترمخه مالي خرد برد او بے ضابطګياني د خېبر پښتونخوا په اکنامک زونز ډويلپمنټ اينډ منيجمنټ کمپنۍ کښي شوې دي ۔
په دي حواله آډټ رپورټ کښي د کمپنۍ په دغه کرپشن او خرد برد سخت سوالونه راپورته کړې شوي دي ۔
د جاري شوي آډټ رپورټ تر مخه د کمپنۍ د ناقصه منصوبه بندۍ او کمزورو انتظامي معاملاتو لوجې سرکاري خزاني ته د اتلس ارب شپږ څلويښت کروړه رپويو نقصان رسيدلې دې ۔
آډټ رپورټ کښې وئيلي شوي چې دعدالتي احکاماتو باوجود هم کمپني د ليز په آخستو کښي دناکامۍ ښکاري شوي ده ۔
اطلاعاتو مشير ثمر هارون بلور وئيلي دي چې سرکاري وسائل د اولس امانت دے او د دغه وسائلو په استعمال کښې به شفافيت يقيني کولې شي ۔
ثمر هارون بلور د خيبر پښتونخوا اکنامک زون اينډ ډيويلپمنټ کمپنۍ کښې د مالي بې ضابطګيو انکشاف نه پس د نوټس اخستو مطالبه کړيده ۔
ثر هارون بلور مخکښې وئيلي دي چې په دغه کمپنۍ کښې اتلس اربه شپږ څلويښت کروړه روپو پورې د مالي بې ضابطګيانو انکشاف تشويشناک دې ۔
