داخله وزیر محسن نقوي وئيلي دي چې د اسلام آباد لپاره نوې ماډل جيل جوړ کړې شوې او اډیاله جيل څخه به قيديان دې جيل ته منتقل کولي شي ،وائي چې کله د کشمير چوک انډر پاس مکمل شي نو وزيراعظم به ئې افتتاح کوي، دې انډر پاس سره به د ټريفک تګ راتګ کښې آسانۍ پيداشي،او دا چې د اسلام آباد بلدياتي ټاکنې به پخوانې شيډول مطابق ترسره کېږي ،بلخوا محسن نقوي د لائبه کور ته ورغلي او د هغې پلار سره ئې د پنځوس لکه روپۍ ورکړيدي ۔
اسلام آباد کښې ميډيا سره خبرو کښې محسن نقوي وئيلي چې د اسلام آباد لوکل باډيز اليکشن د پخوانې شيډول مطابق ترسره کيږي، او د اسلام آبا سټيډيم په اړه به هم ډير خوشخبرې مخې ته راشي ۔
داخلهوزير اووئيل چې اسلام آباد کښي نوې جيل تيار کړې شوې، د دې کريډټ طلال چودهري ته ځي، د اډياله جيل قيديان به دې ماډل جيل ته منتقل کولي شي ۔
وزيرداخله محسن نقوي دا هم و ئيلي چې کله د کشمير چوک انډر پاس مکمل شي نو وزيراعظم به ئې افتتاح کوي چې ټريفک تګ راتګ لپاره به کولاؤلي شي ۔
محسن نقوي مخکښې وئيلي دي چې د کشمير چوک انډر پاس کښې کومې ونې وي هغه نورو ځايونو ته منتقل کړې شوي، تير دوه کالو کښې ليدلي شي چې اسلام آباد کښې نورې څومره ونې لګولې شويدي، دې نه علاوه د ايف نائن پارک بيا تعمير به هم کوؤ ۔
هغه وينا وه چي د اسلام آباد شاه الله دتا کښې قبضه شوې زمکه راخلاصه کړې شوې، د اسلام آباد ځوانانو لپاره سکالرشپ ، ليپ ټاپ او د قرض پروګرامونه مخې ته راوړو ۔
بلخوا وفاقي وزیر محسن نقوي د لائبه کور ته ورغلې او د هغې پلار ته ئې د پنځوس لکه نه زیاتې روپۍ ورکړې دي،د سرچینو مطابق دا پیسې د لائبه نه ويزې لپاره اخستې شوې وې ،بلخوا وزيرداخله محسن نقوي متاثره خاندان ته د پاتې پیسو د بېرته ورکولو ډاډ هم ورکړی دې ۔
